لوکا لوکائے اِنجیلئے پجّار
لوکائے اِنجیلئے پجّار
اے کتابئے نبیسۆکئے نام لوکا اِنت. آ بلدێن داکترے بوتگ. لوکا وت اِسراییلیے نبوتگ. چه آییئے اے کتاب و اَنچُش هم چه آییئے دومی کتاب، کاسِدانی کارا، زانگَ بیت که یونانی زبانئے زانتکارێن نبیسۆکے بوتگ.
لوکایا اے اِنجیل په تێپیلُس نامێن رومئے شاهَنشاهیئے کارندهێا#1:0 کارنده، بزان کاردار، نئوکر. نبشتگ. وتی کتابئے بُنگێجا، ”شرپدارێن تێپیلُسئے“ ناما گیپت، که آ ایسّائے سرا باوَرمندے بوتگ و په وتی باوَرمندیئے مُهرتر کنگا واهگدار بوتگ.
لوکا، هُداوندێن ایسّا مَسیها سجّهێن دنیائے رَکّێنۆک و یکّ سَرجمێن انسانێئے شِکل و دْرۆشما پێشَ داریت. وتی اے کتابا چه ایسّا مَسیهئے ماتئے لاپا کپگ و پێدا بئیگا بُنگێجَ کنت. جَلیلئے دَمگا#1:0 دَمگ، بزان هَند، اِلاکه، اُستان، سوبَه.، ایسّا مَسیهئے هُدایی هِزمتکاری و پدا دێم په اورشَلیما آییئے سات و سپرئے سرگوَستا، په رِد و بندَ گیشّێنیت و کاریت. گُڈسرا، هُداوندێن ایسّا مَسیهئے مَرک و پدا زندگ بئیگ و گۆن وتی مُریدان هۆر بئیگئے بارئوا نبشتهَ کنت.
נבחרו כעת:
لوکا لوکائے اِنجیلئے پجّار: HPKB
הדגשה
שתף
העתק

רוצים לשמור את ההדגשות שלכם בכל המכשירים שלכם? הירשמו או היכנסו
© 2016-22 Wycliffe Bible Translators, Inc.