פסוקים פופולריים מ- San Juan 16

שתף

Cham adaa du'un ku̶xyu̶ nyajmu̶dmu̶dyaakku̶xy wan je̱'e̱ jootkujk'ajtu̶ñ mbaatku̶xu̶ch ma u̶u̶chu̶ñ ko u̶u̶ch je̱'e̱ n'ayuuk ndu̶y'ajt tu̶ xymyu̶bu̶jku̶ ajku̶xy. Ma adayaaba naaxwiiñu̶ñ, miich ajku̶xy mbadaangu̶xypy je̱'e̱ tzaachpyu̶ ayo'on, peru̶ jootmú̶k naybyu̶daaku̶gu̶x; u̶u̶ch tu̶ u̶u̶ch je̱'e̱ ju̶bu̶kpu̶ ya naaxwiiñ nmu̶mada'agy.

Ko naty je̱'e̱ Espíritu tu̶y'ajtpu̶ myiñ, je̱' je̱'e̱ tu̶y'ajtu̶ñ ku̶xyu̶ xyajwinju̶wu̶u̶ydya'awu̶p ajku̶xy; je̱' ko ka'p je̱'e̱ ku̶'u̶mjoot ku̶'u̶mwinma'añ kyapxa'añ myu̶dya'aga'añ, je̱' je̱'e̱ ku̶xyu̶ ñigapx ñimu̶dya'age̱e̱mby je̱'e̱ mu̶dyiibu̶ tu̶ mu̶doyu̶ñ, y je̱' xyajnejwu̶'u̶wu̶p ajku̶xy je̱'e̱ mu̶dyiibu̶ tunaan jadaanu̶bu̶ñ.

U̶xtu̶ chamnu̶baad, miich ajku̶xy ka'anu̶ ni tii myujkwaangu̶xyñu̶; cham u̶u̶ch je̱'e̱ nxu̶u̶ xykyapxpaattu̶ ajku̶xy; yujkwaangu̶x y myajmooygyu̶xu̶p je̱', wan du'un anaxy mjootkugu̶u̶ygyu̶xu̶ch.

Peru̶ cham timytyu̶y'ajtu̶ñ nnu̶maaygyu̶xy; ni'igu̶ oy mu̶u̶d miich ajku̶xy ko u̶u̶ch nnú̶kxu̶ch. Y pu̶nu̶ ka'p u̶u̶ch nnu̶kxy, ka'p je̱'e̱ Yajjootkujk'ajtpu̶ ñi'imínu̶ch ma miich ajku̶xyu̶ñ y miñ xymyu̶d'ijtku̶xy; peru̶ pu̶nu̶ nnú̶kxpu̶ch, u̶u̶ch miich je̱'e̱ nyajnigué̱xu̶py ajku̶xy. Ko naty je̱'e̱ Yajjootkujk'ajtpu̶ myiñ, je̱' je̱'e̱ oy wa'adz yajni'igu̶xu̶'u̶gaamb ma je̱'e̱ naaxwiiñjya'ay ajku̶xyu̶ñ je̱'e̱ poky ku̶dyeey, je̱'e̱ tu'uda'agy'ajtu̶ñ y ko je̱'e̱ Dios tyu̶ydyúñ.

Nandu'un miich ajku̶xy neby je̱'e̱ to'oxyu̶jk y'ungpada'añu̶ñ, du'un miich cham mdajku̶xy mmaaygyu̶xy, peru̶ u̶u̶ch n'íxu̶py miich ja'adu'ook ajku̶xy y mu̶'íttu̶tz mxondaakku̶xnu̶ch, tu'ug je̱'e̱ xondaaku̶ñ mu̶dyiibu̶ ka'p mu̶baad ni pu̶n xypyu̶jku̶ ajku̶xyu̶ñ. “Je̱'e̱ mu̶'it xu̶u̶ ka'p u̶u̶ch miich ni tii xy'ok'yajtu̶u̶gu̶xnu̶ch. Janch tu̶y'ajtu̶ñ du'un nnu̶maaygyu̶xy ko je̱'e̱ Dios Teedy xymyooygyu̶xu̶p ku̶xyu̶ tijaty naty myujkwaanu̶gyu̶xypyu̶ñ; cham u̶u̶ch je̱'e̱ nxu̶u̶ xykyapxpaattu̶ ajku̶xy.

Janch tu̶y'ajtu̶ñ du'un nnu̶maaygyu̶xy ko miich mju̶u̶ygyu̶x myaaxku̶xu̶ch y mdajku̶x mmaaygyu̶xu̶ch; cham naty je̱'e̱ naaxwiiñjya'ay xyondaakku̶xpu̶. Peru̶ miich ajku̶xy oy naty mja'ataj mja'amaaygyu̶xpu̶, je̱'e̱ mjootmáy ajku̶xy xondaaku̶ñ je̱'e̱ nu̶kxy y'awimbijtnu̶.