פסוקים פופולריים מ- San Juan 15

שתף

“U̶u̶ch je̱'e̱ du'un neby je̱'e̱ uva'aadzu̶ñ, y miich du'un ajku̶xy neby je̱'e̱ uva'aadzu̶ñ. Pu̶n tu'ugyu̶ ijtu̶u̶b mu̶u̶d u̶u̶ch y u̶u̶ch tu'ugyu̶ ijtu̶u̶b mu̶u̶d je̱', tu̶u̶m'ajtp je̱'e̱ du'umbu̶ ja'ay. Pues ka'p miich mu̶baad ni tii mduungu̶xy pu̶nu̶ ka'p u̶u̶ch naty tu'ugyu̶ nyajpaady mu̶u̶d miich ajku̶xy.

Ijtku̶x tu'ugyu̶ mu̶u̶d u̶u̶ch, du'un neby u̶u̶ch tu'ugyu̶ n'ityu̶ñ mu̶u̶d miich ajku̶xy. Je̱'e̱ uva'aadz ka'p je̱'e̱ du'uñyu̶ tyu̶u̶mbe̱da'añ, pu̶nu̶ ka'p naty je̱'e̱ ñiguepy. Nandu'unu̶tz miich ajku̶xy, ka'p miich mdu̶u̶m'ajtku̶xu̶ch, pu̶nu̶ ka'p tu'ugyu̶ m'ijtu̶u̶gu̶xy mu̶u̶d u̶u̶ch.

“Pu̶nu̶ ijtu̶u̶b miich tu'ugyu̶ ajku̶xy mu̶u̶d u̶u̶ch, y pu̶nu̶ ka'p u̶u̶ch je̱'e̱ n'u̶xpu̶jku̶ñ nimu̶naa xy'u̶xmajtzu̶ ajku̶xy, yujkwaangu̶x ma je̱'e̱ Dios tii mdimychojkku̶xypyu̶ñ y myajmooygyu̶xu̶p je̱'.

Miich ajku̶xy, ka'p miich tu̶ xywyin'ijxku̶xy, u̶u̶ch miich tu̶ nwin'ijxku̶xy y tu̶ nyajni'ipu̶jkku̶xy ko u̶u̶ch je̱'e̱ n'ayuuk ndu̶y'ajt nu̶kxy xyajwa'kxu̶ ajku̶xy, wan du'un mnimayu̶u̶ygyu̶xu̶ch, y ko naty tu̶ mnimayu̶u̶ygyu̶xy, ka'p u̶u̶ch je̱'e̱ n'ayuuk ndu̶y'ajt nimu̶naa xy'u̶xmajtzu̶ch ajku̶xy. Y du'unu̶tz je̱'e̱ Dios Teedy xymyooygyu̶xu̶ch ku̶xyu̶ tijaty naty myujkwaangu̶xypyu̶ñ; cham u̶u̶ch je̱'e̱ nxu̶u̶ xykyapxpaattu̶ ajku̶xy.

Je̱'e̱ mu̶dyiibu̶ je̱'e̱ jyugy'ajtu̶ñ ye̱jkp ma je̱'e̱ o'ku̶ñ mu̶u̶d je̱'e̱ myu̶gu'ugtu̶jk kyu̶xpu̶ ajku̶xy, je̱' je̱'e̱ myu̶gu'ugtu̶jk mu̶k tzojkku̶xp ju̶wu̶u̶ygyu̶xp.

Je̱'e̱ nDeedyu̶ch, xykyatzpujxu̶byu̶ch je̱'e̱ n'aadz je̱'e̱ mu̶dyiibu̶ ka'p tyu̶u̶mbétyu̶ñ; peru̶ je̱'e̱ mu̶dyiibu̶ tu̶u̶mbe̱jtpu̶ñ, y'u̶xpujxypy kyu'ubujxypy je̱'e̱ we̱njaty y yajwa'ach oy yajxón, neby mu̶baad ni'igu̶ may tyu̶u̶mbétyu̶ñ.

Adaa u̶u̶ch n'ane̱'e̱mu̶ñ'ajtypy: Ko amíñ u̶xyu̶py mnaychogu̶u̶ mnayjyu̶wu̶'u̶wu̶u̶ju̶ch ajku̶xy, du'un neby u̶u̶ch miich ndzoky nju̶wu̶'u̶y ajku̶xyu̶ñ.

Yajku'umaaybyu̶ch je̱'e̱ nDeedy du'un, ko naty du'un miich mdu̶u̶m'ajtku̶xy, y ko naty du'un jaanch ndiscípulos'ajtku̶xnu̶.

Chi je̱'e̱ Jesús myu̶naan'adu̶u̶ch: “U̶u̶ch je̱'e̱ du'un neby je̱'e̱ tu̶y'ajtpu̶ uva'aadzu̶ñ, y je̱'e̱ nDeedyu̶ch du'un neby je̱'e̱ uvakam kweentu̶'ajtpu̶ju̶ñ.

Pu̶n ka'p tu'ugyu̶ y'ity mu̶u̶d u̶u̶ch, yaj'u̶x'óxu̶p je̱'; y chi tyu̶u̶tznu̶ch, du'un neby je̱'e̱ uva'aadz mu̶dyiibu̶ yaj'oxu̶'kpu̶ñ y chi ju̶u̶njooty yajni'ino'knu̶.

“Paady adaa du'un nyajmu̶dmu̶dyaakku̶xy, wan du'un mjootkugu̶u̶ygyu̶xu̶ch mu̶u̶d u̶u̶ch, y du'un du'un ni'igyu̶ anaxy mjootkugu̶u̶ygyu̶xnu̶ch.

Pu̶nu̶ xykyuydyuunu̶byu̶ch je̱'e̱ n'ane̱'e̱mu̶ñ ajku̶xy, ndzojktú̶wu̶byu̶ch miich ajku̶xy, du'un neby u̶u̶ch je̱'e̱ nDeedy y'ane̱'e̱mu̶ñ nguydyuunu̶ju̶ñ, y xychojktú̶yu̶ch je̱'.

Cham u̶u̶ch miich du'un nmu̶gapx n'ane̱'e̱mgu̶xy ko amíñ u̶xyu̶py mnaychojku̶gu̶xu̶ch.

Ko u̶xyu̶py du'un miich m'ok'yajpaatku̶xy neby je̱'e̱ naaxwiiñjya'ay ajku̶xyu̶ñ, xychojkp u̶xyu̶py je̱'e̱ naaxwiiñjya'aydyu̶jk ajku̶xy, du'un neby je̱'e̱ myu̶naaxwiiñjya'ay tzojkku̶xyu̶ñ. Peru̶ u̶u̶ch jiiby miich tu̶ nyajpu̶dzu̶u̶mgu̶xy ma je̱'e̱ naaxwiiñjya'ay ajku̶xyu̶ñ, y paady je̱'e̱ naaxwiiñjya'ay ka'p xy'ixaangu̶xy, je̱' ko ka'p miich du'un m'ok'yajpaatku̶xnu̶ neby je̱'e̱ naaxwiiñjya'ay ajku̶xyu̶ñ.