प्रेरितो परचा
परचा
चेलन कर काम के किताब मंडली के सुरुवात के किस्सा हबै अउ हइ यरुसलेम लग यहूदिया, सामरिया अउ ओखर आगू तक कसना बगर गइस, जसना यीसु अपन चेलन के स्वरग छो जात टेम गुठेय रहिस। 1:8 हइ किताब के लूका लिखे हबै, हइ संदेस के जसना लिखे गय रथै, ऊ अक्ठी गुनिया रथै अउ अक्ठी निक्खा घटना के लिखे हे बोहत सचेत रथै। उन अपन संदेस अउ चेलन कर काम के किताब ऊ थियोफिलुस के संबोधित करिस, जउन अक्ठी यूनानी रथै, पय किताब के मतलब सायद मसीही समाज कर निता रथै, जेहमा यूनानी अउ यहूदी दोनो झन सामिल रथै। 1:1 चेलन कर काम सायद मसीह के पइदा के बाद 60-64 साल के बीच लिखे गय रथै, काखे हइ किताब जेल लग पोलुस के छंडाय लग पहिलेन समापत होथै।
लूका, पोलुस कर संग यातरा करिस अउ सायद तबय अंताकिया के सहर हे चेलन के काम लिखे रथै, लूका कर संदेस के बातन के लगेतार रखे हबै, अउ यीसु के स्वरग छो जाय के बाद हे सुरु होथै, लूका कर मकसद इछो लिखे हर जउन बात हबै, ऊ ओखर पहिलेन लूका कर संदेस मिलत जुलत हबै, ऊ थियोफिलुस के चाहथै, संग-संग मसीहन के बढत संख्या जरूरी हबै, कि उनके काहिन सिखाय गय रथै, अउ इहैनिता लूका यीसु के जीवन अउ मसीही धरमी काम के परचार के सही किताब लिखिस।
चेलन के किताब हमर निता सुरुवात मंडली के उदाहरन परदान करथै, हइ दिखाथै कि यीसु हे बिस्वास के संग कसना जियब। चेलन के उदाहरन हमके दिखथै कि दूसरन के संदेस फइलामै हे पवितर आतमा के सक्ति हे कसना बिस्वास करे जाय।
रूप रेखा
1. पहिले चेलन हे पवितर आतमा आथै अउ मंडली बढै के सुरुवात। 1:1—8:1
2. एखर बाद मंडली हे बिरोध हुइस अउ यरुसलेम के बाहिर बगरय लगथै। 8:2—12:23
3. ओखर बाद पोलुस अपन पहिली सेबा यातरा हे कढ जथै। 12:24—14:28
4. तब यरुसलेम हे बइठक करके हइ तय करथै कि नबा बिस्वास करै बाले के काहिन जरूरत हबै। 15:1-35
5. पोलुस अपन दूसर सेबा यातरा हे कढ जथै। 15:36—18:22
6. एखर बाद ऊ अपन तीसर सेबा यातरा हे कढ जथै। 18:23—20:38
7. तब पोलुस के यरुसलेम हे पकडिन। 21—26
8. आखरी हे उके रोम देस हे पहुंचाय जथै। 27—28
હાલમાં પસંદ કરેલ:
प्रेरितो परचा: BTP25
Highlight
શેર કરો
Compare
નકલ કરો
Want to have your highlights saved across all your devices? Sign up or sign in
The Bhumiya Bible © The Word for the World International and © 2025 Bhumiya Bhasha Samiti, Madhya Pradesh