लूका 5

ईसु पहला चेला कुय राःतेडा

(मत्ती 4:18-22; मरकुस 1:16-20)

1 # मत्ती 13:1,2; मरकुस 3:9,10; 4:1 एक दिन राः दिन रे ईसु गन्‍नेसरत#5:1 गलील जिला राः एनेटाः ञुमू हवे गन्‍नेसरत राः समुन्धर अड़ी रेय चड़ाँ तना, हेना तोलोग होड़कू भगवान राः टेबोः अँजोम लगड कू ठेला तिल बंचोविय दोहो एनु। 2हेना तोलोग हेंय समुन्धर अड़ी रे बाटंग डोंगा कू चड़ाँ तडा हेनाय ञेंल ञँमतेडा, अवुर हकु ञेंडकू डोंगा वरी अगड़ू केनते जाल कू बुहल दोहो एनु। 3हेन तोलोग ईसु सिमोन राः डोंगा रे रकब केनते अड़ी वरी दमभर राः मँझर हनते गो-गे लगाडिय कहनी तेडा। हेना वरी डोंगा रे दुड़ूब केनते होड़कू सिक्छा ओवाकू लगाडिय बोहड़ी तेडा।

4तहाँ हेंय टेबोः हनी केड राः बाद रे सिमोन थरेय कहनी तेडा, “डोंगा गहीर गतर हनतेम इदियू अवुर हकुकू बझहो लगड जाल मी अटाड़ू।” 5#एहुन्‍ना 21:3तहाँ सिमोन जबाब तेडा, “ठिके इदाना गुरू, इंञ रात भरिंञ ञेंञेंड एना, हेंडे रेहो मेनेंञ ञेंडगड कुआ, लेकिन अम कहनी यड रेदो जालींञ अटड़ यडा।” 6#एहुन्‍ना 21:6हेना वरिय अटड़ तेड दो जाल घलि ओड़ेजुः मेनमोट ते अखीर हकुकू बझहो एना। 7हेना वरी हेंय एटाः डोंगा रेनकू गतितकू हो सब देंगय लगाडिय गविज वडकुआ, तहाँ हेंकू मेजेना।

हेना वरी बनाटंग डोंगा हकुकू ते एतना कू पेरेज तेडा कि डोंगा घलि डुबो बंचो एना।

8नआँ ञेंलकेते सिमोन पतरस ईसु कटा दुबी रे उकड़ूम केनतेय कहनी तेडा, “ए परभु, इंञ मड़ंग वरिम चलोऊ, इंञ दो पापी होड़ हवे।” 9तहाँ हेंय अवुर गतितकू, अखीर हकुकू सबताडा ञेंलतेकू अहचरज यनु। 10जबदी कोड़ा होपोन कींञ एकूब अवुर एहुन्‍ना हो सिमोन सुदा कींञ दोहो एना, हेंकींञ होकींञ अहचरज यनु। हेना वरी ईसु सिमोन थरेय कहनी तेडा, “अलोम बो-रू; अब वरी अम भगवान थरे होड़कुम आगा।” 11हेना वरी हेंकू डोंगा अड़ी रेकू अगतेडा अवुर सींड़ चीज बगी वते ईसु तयोम तेकू सेनतेडा।

ईसु कुड़गा रोगियाय चिकन तेडा

(मत्ती 8:1-4; मरकुस 1:40-45)

12ईसु मियाँटंग सहर रेय दोहोएन तोलोग हेना रे मियाँहोड़ कुड़गा रोगिया, अखीर दोहोएन हेंय मेजेना, हेना वरी हेंय ईसु ञेंलकेते गोड़िय गिरो केनतेय अरजी एना, “ओ परभु, अगर अम चहोः रेदो इंञ मी सुद्ध सकोआ।” 13हेना वरी तीतिय सुहरू केते हेंयिय छुयों तेडिया, अवुरिय कहनी तेडा, “इंञ चहोः तना, अम सूधुः मी।” हेना वरी हेंय राः कुड़गा रोग तुरेत्ते छुटो यनु।

14हेना वरी ईसु हेंयिय चेतवन तेडा, “कनय थरे अलोम लाय बेड़ायू, सींड़कू मड़ंग रे सखिया गोवाह होयाः लगड सेनकोःते आजक मी तिःवा। कुड़गा वरी चिकानुअय लगड भगवान मूसा थरे नियामिय एमतेडा, हेना राः अनुसार ते पुजम एमू।”

15लेकिन ईसु राः चरचा अनावुर मिरीज चलो एना, भीड़ उपर भीड़ हेंय राः टेबोः अँजोम लगड अवुर रोग वरी चिकानुः लगड होड़कू जवर एना। 16हेंडे रेहो हेंय सुनहार जघा रे सेनकोः तेय बिनतीः दोहो एनु।

ईसु लवका ञेंडता डियायिय चिकन तेडा

(मत्ती 9:1-8; मरकुस 2:1-12)

17एक दिन एयसा होया एना कि ईसु सिक्छाय ओवाकू दोहो एनु, हेना रे फरीसिकू#5:17 एहूदिकू राः मियाँटंग दल ञुमू हवे, फरीसी, नेकू भगवान राः नियम चेचेडकू हवे अवुर एहूदी नियम चेचेड हेंकू होकू दुडूब तना। नेकू गलील जिला अवुर एहूदी देस राः सींड़ गाँव वरी अवुर एरुसलेम वरी कू मेजताना। ईसु थरे होड़कुय चिकन लगड भगवान राः सक्‍ति दोहो एना। 18कुछ होड़कू लवका ञेंडताडिय हेनी होड़ परकोम तेकू अगतेडिया अवुर हेंकू हेंय भीतर रे ईसु मड़ंग रे इदिय लगड कू एमेल तेमेलुः दोहो एनु। 19हेंकू भीड़ राः चलते ते ईसु थरे मेने कू इदी सको गना, तहाँ सड़ीम अगस रे रकब केनते खपरा कू अड़ी तेडा। अवुर परकोम तू सुदा ईसु मड़ंग रेकू अगड़ू तेडिया। 20तहाँ ईसु हेंकू राः बिसवास ञेंलके ते हेंय थरेय कहनी तेडा, “ए मनवाँ, अमाः पाप माफ यना।”

21हेना वरी फरीसिकू अवुर एहूदी नियम चेचेडकू मन मन रेकू पसींदे दोहो एनु, “नेय ईया हवे भगवानिय निन्दा यडा? भगवान छोड़ अवुर ईया पाप राः माफी एम सकोः तना?” 22ईसु हेंकू मन मन रेकू पसींद तेड हेना पपाड़ी केनते हेंकुय होंबोर तेडा, “अपे ईञाः टेबोः रे न याःते ची लगड पे पसींद यडा? 23अमाः पाप माफ यना मेनाआँ किदो, रिमकोः तेम सेन बेड़ाऊ मेनाआँ? न बनाटंग रे करा टेबोः सेथिया गिआ? 24अपे पपाड़ी लगाडू इंञ होड़ होपोन धरती रे पाप माफ राः हँक हो इदाना।” हेंय लवका ञेंडताडिया हेंय थरेय कहनी तेडा, “इंञ अम थरेंञ कहनी यडा, रिमुःमी, अवुर परकोम तम रिमकेते ओड़ाः मी हनतेम चलोऊ।” 25तुरेत्ते हेंय सींड़कू मड़ंग रेय रिमेना, अवुर गितीज तनय हेना परकोम अलगो केते, भगवानिय बडेय बेड़ा वते, अनेज ओड़ाः हनतेय चलो एना। 26हेना वरी सींड़कू अहचरज यनकू, अवुर भगवान कू बडेय वडू अवुर अखीर बोरोयन तेकू कहनी तेडा, “तेसींञ अबू बडेः काम बू ञेंलकेडा!”

ईसु लेविय राःतेडा

(मत्ती 9:9-13; मरकुस 2:13-17)

27हेना वरी ईसु बहेरिय उडूंग एना, अवुर लेवी मेनते कू ञुमू तडिय हेनी रोम सरकार लगड मलगुजारी तिलाअय नाका ओड़ाः रेय दुड़ूब तन तोलोगिय ञेंलवाडिया, अवुर हेंय थरेय कहनी तेडा, “दाव इंञाअय चेलाम बनोः लगड इंञ सुदाम मेजुऊ।” 28तहाँ हेंय सींड़ चीज बगी वते ईसु तयोम तेय सेनतेडा।

29हेना वरी ईसु आदर भोजन लगड, लेवी ओड़ाः तुरे बडेः खवा पिवा लगाडिय राःतेड कुआ। हेंय सुदा मलगुजारी तिलाकू हो अवुर एटाः होड़कू हो, बगरा ते जोमुः कू दुड़ूब तना। 30#लूका 15:1,2हेना ञेंलके ते फरीसिकू अवुर फनारीसिकू राः एहूदी नियम चेचेडकू, चेलाकू थरे न याःते कुरू बुसू केनतेकू कहनी तेडा, “अपे मलगुजारी तिलाकू अवुर पापी#5:30 फरीसी अवुर एहूदी नियम चेचेडकू गुरू रोमि सरकार लगड टेक्स तिलाकू अवुर हेंकू राः नियम मेने मनोकू पापी मेनते कू कहनी वकू दोहो एनु होड़कू सुदा ची लगड पे जोमुः चरोः तना?”

31हेना वरी ईसु हेंकुय जबाब वडा, “बयेध चिकन होड़कू लगड मेने, लेकिन हसु कोःकू लगड जरूरत पड़ोआ। 32इंञ बेगारिंञ पापा मेनते पसींदेःकू ईञाः जरूरत कोवाआ, लेकिन इंञ पाप केडांञ मेनते पसींदेःकू लगड भगवान थरे पाप राः माफी असी वकू लगाडींञ मेजकेना।”

उपासुः राः बारे ते सवाल

(मत्ती 9:14-17; मरकुस 2:18-22)

33कुछ होड़कू ईसु थरे कू कहनी तेडा, “बतिस्माय एम हेनी एहुन्‍ना रेनकू चेलाकू दो हरदम कू उपास अवुर बिनती दरवारुः तना, अवुर फरीसिकू रेनकू चेलाकू हो, लेकिन अमाःकू चेलाकू जोमुः चरोः तनाकू।” 34हेना वरी ईसु हेंकू थरेय कहनी तेडा, “जब तक बरातियाकू सुदा दुल्हा दोहोनू, हेंकू अपे काःतेपे एर उपास कुआ? 35लेकिन हेना दिन मेजुआ, जब दुल्हा#5:35 ईसु मसीह अनानेज दुल्हा मेनतेय कहनी केना, ईसु मसीह चेलाकू सुदाया, हेनाते खुस गिआकू, लेकिन ईसु मसीह कू ञेंड गोजेया, अवुर चेलाकू दुख रेकू पड़ोआ, हेंडेकू उपासुआ हेंकू वरिय हिगरो गोगेया, हेन तोलोग हेंकू उपासुआ।”

36हेना वरी फेर ईसु हेंकू अवुर मियाँटंग उदाहरड़िय लाय वडकुआ, “कनय होड़ नवाआँ कपड़ा वरी ओड़ेज केते मरिआ कपड़ा रे मेने कू टेपीया। नहीं तदो नवाआँ ओड़ेजुआ अवुर हेना टेपी मरिआ सुदा हो एरो सोभा एना। 37अवुर नवाआँ अंगूर#5:37 ना रे मरिआ अंगूर रस राः मतलोब एहूदी होड़कू राः मरिआ रीति बिधी, अवुर नवाआँ अंगूर रस ईसु मसीह राः नवाआँ रीति बिधी। रस मरिआ खाल राः झोला रे कनय मेने भरोवेआ, कहेकि अंगूर रस खाल राः झोला ओड़ेज केते एंडाआ अवुर झोला हो बरबादुआ। 38नवाआँ अंगूर रस ननावआँ खाल राः झोला रे भरो केतेकू दोहोया। 39कनय होड़ हो मरिआ अंगूर रस ञुँके वरी नवाआँ मेनेय बेस वआ, कहेकि हेंय कहनियाँ मनारिआ बढ़ियाँ गिआ” मेनते।

હાલમાં પસંદ કરેલ:

लूका 5: ksz

Highlight

શેર કરો

નકલ કરો