لُكَّ 18
18
مِصَالِ عَكَنْ يِنْ أَدُّعَ بَا ڢَاسَوَ
1سَيْ عِيسَىٰ يَبَا أَلْمَجِرَنْسَ وَنِ مِصَالِ دُواْمِنْ يَكُواْيَ مُسُ ثٜىٰوَ يَا كَمَاتَ سُدِنْغَ يِنْ أَدُّعَ كُلُّمْ، كَدَ سُغَاجِ؞ 2يَثٜىٰ «أَنْ تَٻَيِنْ وَنِ أَلْڧَلِ أَوَنِ غَرِ وَنْدَ بَايَ ڟُواْرُوانْ اللَّهْ، بَايَ كُمَ كُلَ دَ مُتَنٜىٰ؞ 3أَنَنْ غَرِنْ كُمَ أَݣَويْ وَتَ مَثٜىٰنْ دَ مِجِنْتَ يَمُتُ وَدَّ تَدِنْغَ ذُوَا وُرِنْ أَلْڧَلِنْ تَنَ ضُواْڧُوانْسَ ثٜىٰوَ ‹كَبَانِ حَكِّنَ ثِكِنْ ڧَارَرْ دَ عَكَ كَٰوُاْ عَكَيْنَ؞› 4دَڢَرْكُواْ، يَڧِ، عَمَّا دَغَ بَايَ يَثٜىٰ أَ رَنْسَ، ‹كُواْدَيَكٜىٰ بَانَ ڟُواْرُوانْ اللَّهْ، بَانَ كُمَ كُلَ دَ مُتَنٜىٰ، 5عَمَّا سَبُواْدَ مَثٜىٰنَّنْ تَدَامٜىٰنِ، ذَنْيِ ڧُواْڧَرِ إِنْغَا ثٜىٰوَ تَسَامِ أَبِنْدَ تَضُواْڧَا، دُواْمِنْ كَدَ يَوَنْ ذُوَانْتَ يَكَٰوُاْ مِنِ غَاجِيَ!› »
6سَيْ عُبَنْغِجِ يَثٜىٰ «كُجِ ڢَا أَبِنْدَ أَلْڧَلِنَّنْ مَرَرْ غَسْكِيَ يَثٜىٰ! 7أَشٜىٰ، اللَّهْ بَذَيْبِيَ وَمُتَنٜىٰنْ دَيَذَاٻَا وَطَنْدَ سُكٜىٰ مَسَ كُوكَا دَرٜىٰ دَ رَانَ حَكِّنْسُبَ؟ ذَيْ يِ سَنْيِنْ جِكِے وَجٜىٰنْ تَيْمَكُوانْسُنٜىٰ؟ 8إِنَ دَيْ غَيَ مُكُ، ذَيْبِيَ مُسُ حَكِّنْسُ دَ سَوْرِ سَوْرِ كُوَ؞ عَمَّا سَعَدَّ طَنْ مُتُمْ يَدَاوُاْ، ذَيْسَامِ مَيْ بَنْغَسْكِيَ عَدُونِيَرْ نَنْ كُوَ؟»
مِصَالِ نَبَڢَرِسِيٜىٰ دَ مَيْ كَرْٻَرْ هَرَاجِ
9 عِيسَىٰ يَكُمَ ڢَطِ وَنَّنْ مِصَالِ غَ مُتَنٜىٰنْ دَ سُكَ طَوْكَ كَنْسُ مَاسُ أَدَلْثِنٜىٰ حَرْ سُنَ رٜىٰنَ سَوْرَنْ مُتَنٜىٰ؞ 10يَثٜىٰ «أَنْ تَٻَيِنْ مُتُمْ بِيُ وَطَنْدَ سُكَ شِغَ هَيْكَلِ دُواْمِنْ سُيِ أَدُّعَ؞ طَيَ عَثِكِنْسُ بَڢَرِسِيٜىٰ نٜىٰ، طَيَنْ كُمَ مَيْ كَرْٻَرْ هَرَاجِ؞
11«سَيْ بَڢَرِسِيٜىٰنْ يَتَاشِ يَڟَيَ،#18.11 يَڟَيَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «يَتَاشِ يَنَيِ وَكَنْسَ أَدُّعَ» نٜىٰ أَنَنْ؞ يَڢَارَ أَدُّعَ يَنَ ثٜىٰوَ ‹اللَّهْ، نَغُواْدٜىٰ مَكَ سَبُواْدَ نِے بَكَمَرْ سَوْرَنْ مُتَنٜىٰ بَنٜىٰ، مَاسُ سَاتَا، مَاسُ ثُوتَا، مَاسُ ظِنَ؞ نِے بَكَمَرْ مَيْ كَرْٻَرْ هَرَاجِنَّنْ بَنٜىٰ؞ 12إِنَ أَظُمِ سَوْ بِيُ أَ مَكُواْ، إِنَ كُمَ بَادَ زَكَّ تَكُواْوَنٜىٰ أَبِنْدَ نَسَامُ؞›
13«عَمَّا مَيْ كَرْٻَرْ هَرَاجِنَّنْ يَڟَيَ دَنِيسَ، بَيْ كُواْ طَغَ عِدُوانْسَ سَمَبَ؞ سَبُواْدَ بَڧِنْ ثِكِنْسَ يَسُنْكُيَرْدَ كَنْسَ، يَنَ ثٜىٰوَ ‹اللَّهْ، كَجِ تَوْسَيِنَ، نِے مَيْ ذُنُوبِ نٜىٰ!› » 14عِيسَىٰ يَثٜىٰ «إِنَغَيَ مُكُ، مَيْ كَرْٻَرْ هَرَاجِنَّنْ يَكُواْمَ غِدَنْسَ دَ سَامُنْ ذَمَ مَرَرْ لَيْڢِے أَغَبَنْ اللَّهْ، بَكَمَرْ بَڢَرِسِيٜىٰنْ بَ؞ غَمَا دُكْ وَنْدَ يَطَوْكَكَ كَنْسَ، ذَاعَ ڧَسْڧَنْتَرْ دَشِ؞ عَمَّا دُكْ وَنْدَ يَڧَسْڧَنْتَرْ دَكَنْسَ، ذَاعَ طَوْكَكَاشِ؞»#مَتْ 23.12؛ لُكْ 14.11
عِيسَىٰ يَسَا وَیَنْ يَارَا أَلْبَرْكَ
﴿مَتْ 19.13-15؛ مَرْ 10.13-16﴾
15وَطَنْسُ سُكَ كَٰوُاْ یَنْ يَارَنْسُ دُواْمِنْ عِيسَىٰ يَسَا مُسُ حَنُّنْ أَلْبَرْكَ؞ دَ أَلْمَجِرَنْسَ سُكَغَ حَكَ، سَيْ سُكَ ڢَارَ ڟَاوَتَا مُسُ؞ 16عَمَّا عِيسَىٰ يَكِرَوُاْ یَنْ يَارَنْ، يَثٜىٰ «كُبَرْ يَارَا ڧَنَانَا سُذُواْ وُرِينَ؞ كَدَ كُهَنَاسُ؞ غَمَا مُلْكٍ اللَّهْ نَ إِرِنْسُنٜىٰ؞ 17حَڧِيڧَ إِنَ غَيَ مُكُ دُكْ وَنْدَ بَيْ كَرْٻِ مُلْكٍ اللَّهْ كَمَرْ يَدَّ ڧَرَمِنْ يَرُواْ يَكٜىٰيِبَ، بَذَيْ تَٻَ شِغَ ثِكِنْسَبَ؞»
شُوغَبَا مَيْ أَرْزِڧِ
﴿مَتْ 19.16-30؛ مَرْ 10.17-31﴾
18وَنِ شُوغَبَنْ يَهُودَاوَا يَتَمْبَيِ عِيسَىٰ يَثٜىٰ «مَلَمْ، مَيْ كِرْكِ، مٜىٰ ذَنْيِ إِنْ سَامِ رَيْ نَهَرْ أَبَدَا؟»
19 عِيسَىٰ يَتَمْبَيٜىٰشِ يَثٜىٰ «دُوانْمٜىٰ كَكٜىٰثٜىٰ دَنِے مَيْ كِرْكِ؟ أَيْ، بَا وَنِ مَيْ كِرْكِ سَيْ اللَّهْ كَطَيْ؞ 20كَا دَيْ سَنْ أَبِنْدَ دُواْكُواْكِ سُكَثٜىٰ، ‹كَدَ كَيِ ظِنَ؞ كَدَ كَيِ كِسَنْ كَيْ؞ كَدَ كَيِسَاتَا؞ كَدَ كَيِ شَيْدَرْ ڧَضْيَا؞ كَبَادَ غِرْمَ غَ بَابَنْكَ دَ مَامَرْكَ؞› »#ڢِتْ 20.12-16؛ مَيْ شَـ 5.16-20
21مُتُمِنْ يَثٜىٰ «أَيْ، دُكْ نَكِيَايٜىٰ وَطَنَّنْ تُنْ إِنَ يَرُواْ؞»
22دَجِنْ حَكَ، سَيْ عِيسَىٰ يَثٜىٰمَسَ «أَݣَويْ أَبُ طَيَ تَكْ وَنْدَ يَضَغٜىٰ مَكَ كَيِ؞ كَسَيَرْ دَ دُكْ أَبِنْدَ كَكٜىٰ دَشِ، كَرَبَ وَتَلَكَاوَا، ذَاكَسَامِ دُوكِيَ أَ سَمَ؞ سَعَنً كَذُواْ كَبِينِ؞» 23دَجِنْ وَنَّنْ مَغَنَ، سَيْ مُتُمِنْ يَٻَاتَ رَيْ، دُوانْ شِے مَيْ أَرْزِڧِنٜىٰ سُواْسَيْ؞
24دَ عِيسَىٰ يَغَ يَٻَاتَ رَيْ سَيْيَثٜىٰ «ذَيْ ذَمَ دَ وُيَ سُواْسَيْ مَاسُ أَرْزِڧِ سُشِغَ مُلْكٍ اللَّهْ! 25غَمَا ذَيْڢِ وَرَاڧُمِ سَوْڧِ يَبِے تَرَامِنْ أَلُّورَ دَ مَيْ أَرْزِڧِ يَشِغَ مُلْكٍ اللَّهْ؞»
26مُتَنٜىٰنْ دَ سُكَجِ وَنَّنْ مَغَنَ سُكَ تَمْبَيٜىٰشِ، سُكَثٜىٰ «تُواْ، إِنْ حَكَنٜىٰ، وَ ذَيْ عِيَ سَامُنْ ثٜىٰتُواْ؟»
27 عِيسَىٰ يَثٜىٰ «أَبِنْ دَ يَڢِ ڧَرْڢِنْ مُتُمْ، بَيْڢِڧَرْڢِنْ اللَّهْ بَ؞»
28سَيْ بِتْرُسْ يَثٜىٰ «تُواْ، غَاشِ مُنْ بَرْ غِدَاجٜىٰنْمُ مُنْ بِيكَ؞»
29 عِيسَىٰ يَأَمْسَ يَثٜىٰ «نَسَنْ دَهَكَ، كُمَ حَڧِيڧَ إِنَ غَيَ مُكُ، بَاوَنْدَ ذَيْ بَرْ غِدَا، كُواْ مَتَ، كُواْ یَنْعُوَ، كُواْ إِيَايٜىٰ، كُواْ یَیَ سَبُواْدَ مُلْكٍ اللَّهْ 30دَ ذَيْ كَاسَ سَامُنْ أَبُبُوَ دَيَوَ عَيَنْظُ، عَثَنْ زَامَانِ مَيْ ذُوَا كُمَ يَسَامِ رَيْ مَرَرْ ڧَارٜىٰوَ؞»
عِيسَىٰ يَسَاكٜىٰ يِنْ مَغَنَ عَكَنْ إِرِنْ مُتُوَرْ دَ ذَيْ يِ
﴿مَتْ 20.17-19؛ مَرْ 10.32-34﴾
31سَيْ عِيسَىٰ يَكَيْ شَا بِيُنَّنْ غٜىٰڢٜىٰ طَيَ، يَثٜىٰ مُسُ «غَاشِ، ذَامُ هَوْرَ ذُوَا عُرُوشَلِيمَ، عِنْدَ دُكَنْ أَبِنْدَ أَنَّبَاوَا سُكَ رُبُوتَ عَكَنْ طَنْ مُتُمْ ذَيْثِكَ؞ 32ذَاعَ بَادَشِ غَ وَطَنْدَ بَا يَهُودَاوَا بَ، عَيِمَسَ بَعَ، أَوُلَڧَنْتَشِ، عَكُمَ تُواْڢَ مَسَ مِيَوْ؞ 33ذَاسُيِ مَسَ بُلَلَ، سُكُمَ كَشٜىٰشِ، عَمَّا أَ رَانَ تَ عُكُ ذَيْ تَاشِ؞»
34عَمَّا أَلْمَجِرَنْ بَسُ غَانٜىٰ دَ مَغَنَرْنَنْ دَ عِيسَىٰ يَيِبَ؞ أَنْ ٻُواْيٜىٰ مُسُ مَعَنَرْ مَغَنَرْ نَنْ، شِے يَسَا بَسُ غَانٜىٰ أَبِنْدَ يَكٜىٰ ڢَطَابَ؞
عِيسَىٰ يَوَرْكَرْ دَ مَكَهُواْ مَيْ بَرَ
﴿مَتْ 20.29-34؛ مَرْ 10.46-52﴾
35دَ عِيسَىٰ يَيِكُسَدَ يٜىٰرِكُواْ، سَيْغَا وَنِ مَكَهُواْ يَنَ ظَوْنٜىٰ أَغٜىٰڢٜىٰنْ حَنْيَ يَنَ بَرَ؞ 36دَيَجِ مُتَنٜىٰ دَيَوَ سُنَ وُثٜىٰوَ سَيْ يَيِ تَمْبَيَ كُواْ مٜىٰنٜىٰنٜىٰ يَكٜىٰ ڢَرُوَ؞
37سُكَثٜىٰ مَسَ «أَيْ، عِيسَىٰ بَنَظَرٜىٰتْ نٜىٰ يَكٜىٰ وُثٜىٰوَ؞»
38سَيْ يَطَغَ مُرْيَ دَڧَرْڢِے يَثٜىٰ «عِيسَىٰ! طَنْ دَاوُدَ! كَجِ تَوْسَيِنَ!»
39مُتَنٜىٰنْ دَسُكٜىٰ غَبَ سُكَ ڟَاوَتَا مَسَ يَيِ شِضُ؞ عَمَّا سَيْ يَڧَارَ طَغَ مُرْيَ دَڧَرْڢِے سُواْسَيْ يَنَ ثٜىٰوَ «يَا طَنْ دَاوُدَ، كَجِ تَوْسَيِنَ!»
40سَيْ عِيسَىٰ يَڟَيَ يَثٜىٰ عَكَٰوُاْ شِ وُرِنْسَ؞ دَ يَذُواْ كُسَ، عِيسَىٰ يَتَمْبَيٜىٰشِ 41«مٜىٰكَكٜىٰسُواْ إِنْيِ مَكَ؟» سَيْ مَكَهُوانْ يَأَمْسَ يَثٜىٰ «مَيْغِرْمَ، إِنَ سُواْ إِنْسَامِ غَنِنْ غَرِ؞»
42 عِيسَىٰ يَثٜىٰمَسَ «تُواْ، كَسَامِ غَنِنْ غَرِ! بَنْغَسْكِيَرْكَثٜىٰ تَوَرْكَرْ دَكَيْ؞»
43نَنْ دَنَنْ سَيْ يَسَامِ غَنِنْ غَرِ، يَبِے عِيسَىٰ، يَنَ طَوْكَكَ اللَّهْ؞ دَ مُتَنٜىٰ سُكَغَ وَنَّنْ، سَيْ دُكَ سُكَ يَبِے اللَّهْ؞
હાલમાં પસંદ કરેલ:
لُكَّ 18: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
