يَحْيَى 12
12
أَنْ شَٰڢَ وَ عِيسَىٰ مَنْ ڧَنْشِ أَ بٜىٰتَنِ
﴿مَتْ 26.6-13؛ مَرْ 14.3-9﴾
1بِكٍ ڧٜىٰتَرٜىٰوَ يَضَغٜىٰ سَوْرَنْ ݣُونَ شِدَ كٜىٰنَنْ، سَيْ عِيسَىٰ يَجٜىٰ بٜىٰتَنِ، وَتُواْ، عِنْدَ لِعَظَرُ، مُتُمِنْ دَ عِيسَىٰ يَتَادَشِ دَغَ مَتَتُّو يَكٜىٰدَ ذَمَ؞ 2نَنْ عَكَيِ مَسَ عَبِنْثِنْ دَرٜىٰ، مَرْتَ ثٜىٰ كُوَ تَرَبَ عَبِنْثِنْ، لِعَظَرُ كُوَ يَنَ طَيَ دَغَ ثِكِنْ مُتَنٜىٰنْ دَ سُكَثِ عَبِنْثِنْ تَرٜىٰدَ عِيسَىٰ؞ 3سَيْ مَرْيَمُ تَطَوْكِ ݣُولَبَ ثِكٜىٰ دَ وَجٜىٰنْ رَبِنْ لِتَ نَنَرْدِ، مَنْ ڧَنْشِ مَيْ ڟَادَ، تَجُويٜىٰ عَڧَڢَاڢُنْ عِيسَىٰ، سَعَنً تَشَارٜىٰ ڧَڢَاڢُنْ دَ غَاشِنْ كَنْتَ؞ ڧَنْشِ مَيْ دَاطِے نَوَنَّنْ مَيْ يَثِكَ دُكَنْ غِدَنْ؞#لُكْ 7.37-38 4عَمَّا يَهُودَ إِسْكَرِيُواْتِ، طَيَ دَغَ ثِكِنْ أَلْمَجِرَنْسَ، وَتُواْ وَنْدَ ذَيْ بَاشٜىٰشِ، يَثٜىٰ، 5«مٜىٰيَسَا بَعَسَيَرْ دَ مَنَّنْ عَكَنْ يَوَنْ كُطِنْ دَ لٜىٰبُرَ ذَيْسَامُ أَ رَانَكُو طَرِے عُكُ، سَعَنً عَبَا مَاسُ بُڧَاتَ كُطِنْبَ؟» 6يَهُودَ يَڢَطِ وَنَّنْ مَغَنَنٜىٰبَ دُواْمِنْ يَنَ كُلَ دَ مَاسُ بُڧَاتَبَ، عَمَّا دُواْمِنْ شِے ٻَرَوُاْ نٜىٰ؞ غَمَا شِينٜىٰ مَيْ رِڧٜىٰ جَكَرْ كُطِنْسُ، كُمَ يَكَنْ سَاتَادَغَ ثِكِ؞
7سَيْ عِيسَىٰ يَثٜىٰ «ڨَلٜىٰتَ، دَا مَا تَ أَجِيٜىٰشِ دُواْمِنْ شِرِنْ رَانَرْ دَ ذَاعَ بِنّٜىٰنِ؞ 8أَيْ، كُلُّمْ مَاسُ بُڧَاتَ سُنَ تَرٜىٰدَكُو، عَمَّا بَكُلُّمْ كُكٜىٰ تَرٜىٰدَنِيبَ؞»#مَيْ شَـ 15.11
أَنْيِ وَ لِعَظَرُ مُوغُنْ شِرِ
9دَ تَارُوانْ يَهُودَاوَا مَيْيَوَ سُكَجِ لَابَرِ ثٜىٰوَ عِيسَىٰ يَنَنً، سَيْ سُكَذُواْ، بَ دُوانْ عِيسَىٰ شِ كَطَيْبَ، عَمَّا دُواْمِنْ سُغَ لِعَظَرُ مَا وَنْدَ عِيسَىٰ يَتَاشٜىٰشِ دَغَ مَتَتُّو؞ 10سَيْ مَنْيَنْ ڢِرِسْتُواْثِے سُكَيِ شَوَرَا سُكَشٜىٰ لِعَظَرُ شِے مَا، 11دُواْمِنْ تَدَلِيلِنْ لِعَظَرُ نٜىٰ يَهُودَاوَا دَيَوَ سُنَ رَبُوَ دَ ڢِرِسْتُواْثِنْ سُنَ بَادَ غَسْكِيَ غَ عِيسَىٰ؞
عِيسَىٰ يَشِغَ عُرُوشَلِيمَ
﴿مَتْ 21.1-11؛ مَرْ 11.1-11؛ لُكْ 19.28-40﴾
12وَشٜىٰغَرِ مُتَنٜىٰ دَيَوَ وَطَنْدَ سُكَذُواْ بِكٍ ڧٜىٰتَرٜىٰوَ، سُكَجِ ثٜىٰوَ عِيسَىٰ يَنَ كَنْ حَنْيَ ذُوَا عُرُوشَلِيمَ؞ 13سَيْ سُكَ طَطَّوْكِ رَسَّنْ عِتَتُوَنْ دَبِينُواْ سُكَ ڢِڢِّتَ، سُكَ كَرْٻٜىٰشِ، سُنَ تَادَ مُرْيَ سُنَ ثٜىٰوَ
«هُواْسَنَّ!#12.13 هُواْسَنَّ: دَ إِبْرَانِيَنْثِ، مَعَنَرْ كَلْمَرْ نَنْ عِتَثٜىٰ ثٜىٰثٜىٰمُ! دَغَ بَايَ تَذَمَ كَلْمَرْ يَبُواْ؞
أَلْبَرْكَ تَا تَبَّتَا غَ مَيْ ذُوَا عَثِكِنْ سُونَنْ عُبَنْغِجِ!
أَلْبَرْكَ تَا تَبَّتَا غَ سَرْكِنْ إِسْرَٰٓءِيلَ!»#زَبُو 118.25-26
14دَ عِيسَىٰ يَسَامِ وَنِ طَنْ جَاكِ سَيْ يَهَوْ، كَمَرْ يَدَّ عَكَ رُبُوتَ ثٜىٰوَ
15«كَدَ كُجِڟُواْرُواْ، يَا كٜىٰ ذُوثِيَاتَ سِهِيُواْنَ؞
غَا سَرْكِنْكُ يَنَ ذُوَا عَكَنْ طَنْ جَاكِ!»#زَكْ 9.9
16دَ ڢَرْكُواْ أَلْمَجِرَنْسَ بَسُ غَانٜىٰ أَبِنَّنْبَ، عَمَّا بَايَنْدَ عَكَ طَوْكَكَ عِيسَىٰ، سُكَ تُنَ ثٜىٰوَ أَنْيِ وَنَّنْ رُبُوتُو عَكَنْسَ، كُمَ أَبُبُوَنْ سُنْ ڢَرُ دَيْدَيْ كَمَرْ يَدَّ عَكَ رُبُوتَ؞
17مُتَنٜىٰنْ دَسُكٜىٰ تَرٜىٰ دَشِ أَ لُواْكَثِنْدَ يَكِرَا لِعَظَرُ يَڢِتُواْ دَغَ كَبَرِ، يَكُمَ تَاشٜىٰشِ دَغَ مَتَتُّو، سُكَيِ تَڢَطَا وَمُتَنٜىٰ أَبِنْدَ عِيسَىٰ يَيِ؞ 18مُتَنٜىٰ دَيَوَ سُنْ تَڢِے سُكَرْٻِ عِيسَىٰ نٜىٰ دُواْمِنْ سُنْجِ وَنَّنْ عَلَمَرْ بَنْ مَامَاكِنْ دَ يَيِ؞ 19سَيْ ڢَرِسِيَاوَا سُكَيِ مَغَنَ دَ جُونَ سُكَثٜىٰ «كُدُوبَ ڢَا، بَكُيِ نَصَرَا كُواْ كَطَنْ بَ، غَاشِ دُكَنْ دُونِيَا تَنَ بِنْسَ!»
وَطَنْسُ هٜىٰلٜىٰنَاوَا سُنْ نٜىٰمِ عِيسَىٰ
20تُواْ، عَثِكِنْ وَطَنْدَ سُكَذُواْ بِكٍ دُواْمِنْ يِنْ سُجَّدَ أَݣَويْ وَطَنْسُ هٜىٰلٜىٰنَاوَا؞ 21سَيْ سُكَذُواْ وُرِنْ ڢِلِبُسْ، مُتُمِنْ بٜىٰڟَيْدَ تَ غَلِيلِ، سُكَثٜىٰ مَسَ «مَيْغِرْمَ، مُنَ بُڧَاتَ مُتَتَّوْنَ دَ عِيسَىٰ؞» 22ڢِلِبُسْ يَجٜىٰ يَغَيَ وَ أَنْدَرَوُسْ، سَيْ سُو بِيُ سُكَ تَڢِے سُكَ ڢَطَا وَ عِيسَىٰ؞
23سَيْ عِيسَىٰ يَأَمْسَ مُسُ يَثٜىٰ «لُواْكَثِ يَيِ دَ ذَاعَ طَوْكَكَ طَنْ مُتُمْ؞ 24حَڧِيڧَ، إِنَ غَيَ مُكُ، إِنْ بَ دَيْ أَنْبِنّٜىٰ ڨُويَرْ أَلْكَمَ تَا مُتُبَ، ذَاتَ ذَوْنَ عِتَ كَطَيْ؞ عَمَّا إِنْ تَمُتُ سَيْ تَبَادَ یَیَ دَيَوَ؞ 25دُكْ وَنْدَ يَكٜىٰ ڧَوْنَرْ رَنْسَ ذَيْ رَسَشِ؞ دُكْ وَنْدَ يَڧِ رَنْسَ عَدُونِيَرْ نَنْ، ذَيْ كِيَايٜىٰشِ كٜىٰنَنْ غَ رَيْ نَهَرْ أَبَدَا؞#مَتْ 10.39؛ 16.25؛ مَرْ 8.35؛ لُكْ 9.24؛ 17.33 26دُكْ وَنْدَ ذَيْ يِمِنِ حِدِمَ، دُواْلٜىٰنٜىٰ يَبِينِ؞ أَ دُكْ عِنْدَ نَكٜىٰ كُوَ مَيْيِ مِنِ حِدِمَ ذَيْ كَسَنْثٜىٰ تَرٜىٰدَنِ؞ عُبَانَ كُوَ ذَيْ غِرْمَمَ دُكْ وَنْدَ يَكٜىٰيِمِنِ حِدِمَ؞»
عِيسَىٰ يَيِ مَغَنَ غَمٜىٰدَ مُتُوَرْسَ
27«يَنْذُ إِنَ جِنْ نَوْيِ أَ رَيْنَ؞ مٜىٰ ذَنْثٜىٰ كٜىٰنَنْ؟ إِنْثٜىٰ، ‹يَا عُبَا، كَطَوْكٜىٰ مِنِ وَنَّنْ لُواْكَثِ؟› أَعَ، أَيْ، دَا مَا نَذُواْ مُسَمَّنْ دُواْمِنْ وَنَّنْ لُواْكَثِنٜىٰ؞ 28يَا عُبَا، كَطَوْكَكَا سُونَنْكَ؞»
سَيْ مُرْيَ تَڢِتُواْ دَغَ سَمَ تَثٜىٰ «أَيْ، نَارِغَا نَا طَوْكَكَاشِ، ذَنْ ڧَارَ طَوْكَكَاشِ كُمَ؞» 29دَ مُتَنٜىٰنْ دَسُكٜىٰ ڟَيٜىٰ أَوُرِنْ سُكَجِ مُرْيَرْ، سُكَثٜىٰ «أَنْيِڟَاوَ؞» وَطَنْسُ كُوَ سُكَثٜىٰ «مَلاَىِٕكَنٜىٰ يَيِ مَسَ مَغَنَ؞»
30 عِيسَىٰ يَثٜىٰ مُسُ «وَنَّنْ مُرْيَ تَذُواْ دُواْمِنْكُنٜىٰ، عَمَّا بَسَبُواْدَنِبَ؞ 31يَنْذُ نٜىٰ ذَاعَيِ وَدُونِيَرْ نَنْ شَرِيعَ، يَنْذُ نٜىٰ كُمَ ذَاعَ تُمْٻُكٜىٰ مَيْ مُلْكٍ دُونِيَرْ نَنْ؞ 32سَعَدَّ أَنْطَغَ نِے دَغَ ڧَسَا كُوَ، ذَنْ جَٰوُاْ دُكَنْ مُتَنٜىٰ ذُوَا وُرِينَ؞» 33عِيسَىٰ يَڢَطِ وَنَّنْ نٜىٰ دُواْمِنْ يَنُونَ إِرِنْ مُتُوَرْ دَ ذَيْ يِ؞
34سَيْ مُتَنٜىٰنْ سُكَثٜىٰ وَ عِيسَىٰ «أَيْ، كُواْيَرْوَرْمُ تَغَيَ مَنَ ثٜىٰوَ أَلْمَسِيحُنْ ذَيْ رَايُ حَرْ أَبَدَا؞ تُواْ، يَيَ ذَاكَثٜىٰ لَلَّيْ نٜىٰ أَطَغَ طَنْ مُتُمْ؟ وَنٜىٰنٜىٰ طَنْ مُتُمْ طِنْ؟»#زَبُو 110.4؛ عِشـ 9.6؛ هِظْ 37.25؛ دَانْ 7.14
35 عِيسَىٰ يَثٜىٰ مُسُ «حَصْكٜىٰنْ يَنَ تَرٜىٰدَكُو نَطَنْ ڧَرَمِنْ لُواْكَثِ؞ كُيِ تَڢِيَ تُنْ حَصْكٜىٰنْ يَنَ تَرٜىٰدَكُو، كَدَ دُهُ يَسَامٜىٰكُ؞ مَيْ تَڢِيَ ثِكِنْ دُهُ بَيْ سَنْ عِنْدَ ذَاشِبَ؞ 36كُغَسْكَتَادَ حَصْكٜىٰنْ، تُنْ كُنَ تَرٜىٰ دَشِ، دُواْمِنْ كُذَمَ یَیَنْ حَصْكٜىٰ؞»
يَهُودَاوَا سُنْثِيغَبَ دَ ڧِنْ بَادَ غَسْكِيَ غَ عِيسَىٰ
بَايَنْدَ عِيسَىٰ يَيِ وَنَّنْ مَغَنَ، سَيْ يَتَڢِے يَٻُواْيٜىٰ كَنْسَ دَغَ غَرٜىٰسُ؞
37كُواْدَيَكٜىٰ عِيسَىٰ يَشَا يِنْ عَلَمُنْ بَنْ مَامَاكِ دَيَوَ أَغَبَنْسُ، دُكْدَهَكَ بَسُ بَادَ غَسْكِيَ غَرٜىٰشِبَ؞ 38وَنَّنْ يَڢَرُ نٜىٰ دُواْمِنْ عَثِكَ أَبِنْدَ أَنَّبِے عِشَايَ يَڢَطَا ثٜىٰوَ
«يَا عُبَنْغِجِ، وَ يَغَسْكَتَ سَڧُوانْمُ،
غَ وَ كُمَ عَكَ بَيَّنَ مَسَ
أَبِنْدَ حَنُّنْ عُبَنْغِجِ يَعَيْكَتَ؟»#عِشـ 53.1
39شِيَسَا بَسُ عِيَ بَادَ غَسْكِيَابَ، كَمَرْ يَدَّ عِشَايَ يَكُمَ ڢَطَا أَوَنِ وُرِے ثٜىٰوَ
40«يَمَيْدَسُو مَكَڢِ،
يَكُمَ تَوْرَرَ ذُوثِيَارْسُ،
دُواْمِنْ كَدَ سُغَنِ دَ عِدَنُونْسُ،
سُكُمَ غَانٜىٰ أَ ذُوثِيَا،
حَرْ سُجُويُواْ وُرِينَ إِنْ وَرْكَرْ دَسُو؞»#عِشـ 6.10
41عِشَايَ يَڢَطِ حَكَنٜىٰ دُواْمِنْ يَغَ طَوْكَكَرْ عِيسَىٰ، يَكُمَ بَادَ لَابَرِنْسَ؞
42دُكْدَهَكَ مُتَنٜىٰ دَيَوَ سُنْ بَادَ غَسْكِيَ غَ عِيسَىٰ، حَرْ مَا دَيَوَ دَغَ ثِكِنْ شُوغَبَنِّنْسُ سُكَ بَادَ غَسْكِيَ غَرٜىٰشِ؞ عَمَّا دُوانْ ڟُواْرُوانْ ڢَرِسِيَاوَا بَسُڢَطَا سُنْ غَسْكَتَبَ دُواْمِنْ كَدَ عَكُواْرٜىٰسُ دَغَ مَجَمِعَ؞ 43غَمَا سُنْڢِے سُوانْ يَبُواْ دَغَ بَاكِنْ مُتَنٜىٰ ڢِيٜىٰدَ يَبُواْ دَغَ وُرِنْ اللَّهْ؞
مَغَنَرْ عِيسَىٰ ذَاتَ يِ حُكُنْثِ
44سَيْ عِيسَىٰ يَطَغَ مُرْيَ يَثٜىٰ «دُكْ وَنْدَ يَكٜىٰ بَادَ غَسْكِيَ غَرٜىٰنِ، بَ غَرٜىٰنِ يَكٜىٰ بَادَ غَسْكِيَ كَطَيْبَ، عَمَّا غَ وَنْدَ يَعَيْكُواْ نِنٜىٰ؞ 45دُكْ وَنْدَ يَكٜىٰ دُوبَنَ، يَنَ كُمَ غَنِنْ وَنْدَ يَعَيْكُواْ نِنٜىٰ؞ 46نَذُواْ كَمَرْ حَصْكٜىٰ نٜىٰ عَثِكِنْ دُونِيَا دُواْمِنْ كَدَ دُكْ وَنْدَ يَكٜىٰ بَادَ غَسْكِيَ غَرٜىٰنِ يَذَوْنَ عَثِكِنْ دُهُ؞
47«دُكْ وَنْدَ يَجِ كُواْيَرْوَاتَا، بَيْ كُوَ كِيَايٜىٰتَبَ، بَا نِنٜىٰ مَيْيِ مَسَ حُكُنْثِبَ؞ غَمَا بَدُوانْ إِنْيِ وَدُونِيَا حُكُنْثِ نَذُوابَ، عَمَّا دُواْمِنْ إِنْثٜىٰثِ دُونِيَا نٜىٰ؞ 48وَنْدَ يَڧِنِ، بَيْ كُمَ كَرْٻِ مَغَنَاتَبَ، يَنَدَ مَيْيِ مَسَ حُكُنْثِ، مَغَنَرْدَ نَڢَطَا، عِتَ ذَاتَ حُكُنْتَشِ أَ رَانَرْ ڧَرْشٜىٰ؞ 49أَبُبُوَنْ دَ نَكٜىٰ كُواْيَرْوَا بَادَغَ وُرِينَ بَنٜىٰ، عُبَانَ دَيَعَيْكُواْ نِنٜىٰ يَعُمَرْثٜىٰنِ غَمٜىٰدَ أَبِنْدَ ذَنْ ڢَطَا دَ مَغَنَرْ دَ ذَنْيِ؞ 50نَكُمَ سَنِ رَيْ نَهَرْ أَبَدَا أَنَ سَامُنْسَ نٜىٰ دَغَ عُمَرْنِنْ دَ عُبَا يَبَايَرْ؞ سَبُواْدَ حَكَ دُكْ أَبِنْدَ نَڢَطَا، نَاڢَطَا دَيْدَيْ يَدَّ عُبَا يَغَيَ مِنِ إِنْڢَطَا نٜىٰ؞»
હાલમાં પસંદ કરેલ:
يَحْيَى 12: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
