يَحْيَى 1
1
كَلْمَنْ يَا ذَمَ مُتُمْ
1تُنْ ڢَرْكُواْ أَݣَويْ كَلْمَ، كَلْمَنْ كُوَ تَرٜىٰدَ اللَّهْ يَكٜىٰ، كَلْمَنْ كُوَ اللَّهْ نٜىٰ؞ 2شِينٜىٰ وَنْدَ تُنْ ڢَرْكُواْ يَكٜىٰ تَرٜىٰدَ اللَّهْ؞ 3تَوُرِنْسَ نٜىٰ عَكَيِ دُكَنْ أَبُبُوَ، كُمَ بَابُوَنِ أَبُ عَثِكِنْ دُكَنْ حَلِتَّرْ دَ عَكَيِ وَنْدَ بَتَرٜىٰ دَشِ عَكَيِبَ؞ 4كَلْمَنْ نٜىٰ تُوشٜىٰنْ رَيْ، وَنَّنْ رَيْ كُوَ شِينٜىٰ حَصْكٜىٰ غَ مُتَنٜىٰ؞ 5حَصْكٜىٰنْ يَنَ حَصْكَكَاوَا ثِكِنْ دُهُ، عَمَّا دُهُ بَيْ عِيَ يَشَا كَنْسَبَ؞
6أَݣَويْ وَنِ مُتُمْ مَيْ سُونَ يَحْيَى وَنْدَ اللَّهْ نٜىٰ يَعَيْكُواْ شِ؞#مَتْ 3.1؛ مَرْ 1.4؛ لُكْ 3.1-2 7يَذُواْ يَشَيْدَ وَمُتَنٜىٰ غَسْكِيَ غَمٜىٰدَ حَصْكٜىٰنْ، دُوانْ تَوُرِنْ شَيْدَرْسَ دُكَنْ مُتَنٜىٰ سُجِ لَابَرِنْ حَصْكٜىٰنْ سُكُمَ بَادَ غَسْكِيَ؞ 8بَ يَحْيَى نٜىٰ حَصْكٜىٰنْبَ، عَمَّا يَذُواْ نٜىٰ دُواْمِنْ يَيِ شَيْدَ غَمٜىٰدَ حَصْكٜىٰنْ؞ 9حَصْكٜىٰ نَغَسْكِيَ وَنْدَ يَكٜىٰ بَادَ حَصْكٜىٰ غَ دُكَنْ مُتَنٜىٰ يَنَ ذُوَا ثِكِنْ دُونِيَا؞
10أَ دَا كَلْمَنْ يَنَ ثِكِنْ دُونِيَا، كُمَ كُواْدَيَكٜىٰ تَوُرِنْسَ نٜىٰ عَكَيِ دُونِيَا، دُكْدَهَكَ دُونِيَا بَتَسَنْ شِيبَ؞ 11يَذُواْ ڧَسَرْسَ، عَمَّا مُتَنٜىٰنْسَ بَسُ كَرْٻٜىٰشِيبَ؞ 12عَمَّا دُكَنْ وَطَنْدَ سُكَ كَرْٻٜىٰشِ، سُكَ كُمَ بَادَ غَسْكِيَ غَرٜىٰشِ، يَبَاسُ إِيكُواْ سُذَمَ یَیَنْ اللَّهْ؞ 13بَسُذَمَ یَیَنْسَ تَهَنْيَ إِرِنْ تَیَنْ أَدَمْ بَ، بَكُوَ تَوُرِنْ نُڢِنْ جِكِے كُواْ كُمَ نُڢِنْ مُتُمْبَ، عَمَّا تَوُرِنْ نُڢِنْ اللَّهْ نٜىٰ؞
14كَلْمَنَّنْ يَذَمَ مُتُمْ، يَكُوَ يِ وُرِنْ ذَمَنْسَ عَثِكِنْمُ؞ مُنْ غَا طَوْكَكَرْسَ، طَوْكَكَرْ دَتَكٜىٰ تَمَكَطَيْثِنْ طَا دَغَ وُرِنْ عُبَا، يَنَ كُمَ ثِكٜىٰدَ أَلْحٜىٰرِ دَ غَسْكِيَ؞
15يَحْيَى يَيِ شَيْدَ عَكَنْسَ، يَكُمَ طَغَ مُرْيَ يَثٜىٰ «وَنَّنْ شِينٜىٰ مُتُمِنْ دَ نَكٜىٰ مَغَنَ عَكَنْسَ أَ لُواْكَثِنْدَ نَثٜىٰ، ‹شِے وَنْدَ ذَيْذُواْ بَايَنَ يَڢِينِ، غَمَا كَاڢِنْ نِے يأَنَانً؞› » 16سَبُواْدَ يَوَنْ أَلْحٜىٰرِنْسَ نٜىٰ يَ أَلْبَرْكَثٜىٰمُ دُكَ، يَنَ كُمَ بَامُ أَلْبَرْكُ بَابُ ڢَاسَوَ؞ 17اللَّهْ يَبَادَ كُواْيَرْوَا تَوُرِنْ مُوسَٰى، عَمَّا يَبَادَ أَلْحٜىٰرِ دَ غَسْكِيَ تَوُرِنْ عِيسَىٰ أَلْمَسِيحُ؞ 18بَا مُتُمِنْدَ يَتَٻَ غَنِنْ اللَّهْ؞ مَكَطَيْثِنْ طَنْسَ وَنْدَ شِے اللَّهْ نٜىٰ، يَكٜىٰ كُمَ تَرٜىٰدَ عُبَا، يَبَيَّنَ مَنَ شِ؞
يَحْيَى يَيِ شَيْدَ عَكَنْ عِيسَىٰ
﴿مَتْ 3.1-12؛ مَرْ 1.1-8؛ لُكْ 3.1-18﴾
19غَا شَيْدَرْ دَ يَحْيَى يَبَايَرْ أَ لُواْكَثِنْ دَ يَهُودَاوَا سُكَ عَيْكِ ڢِرِسْتُواْثِے دَ لَوِيَاوَا دَغَ عُرُوشَلِيمَ سُتَمْبَيٜىٰشِ «وَنٜىٰنٜىٰ كَيْ؟»
20يَحْيَى بَيْيِ مُسُو بَ، عَمَّا يَڢَطَا أَ ڢِيلِ ثٜىٰوَ «بَ نِنٜىٰ أَلْمَسِيحُ بَ»؞
21سَيْ سُكَ تَمْبَيٜىٰشِ سُكَثٜىٰ «تُواْ، وَنٜىٰنٜىٰ كَيْ؟ كَيْ نٜىٰ إِلْيَاسُ؟»
سَيْ يَأَمْسَ مُسُ يَثٜىٰ «أَعَ، نِے بَشِ بَنٜىٰ؞»
«كَيْ نٜىٰ أَنَّبِنْ#1.21 أَنَّبِنْ: وَتُواْ، وَنْدَ يَهُودَاوَا سُنَ سَا ذُوثِيَا ذَيْ بَيَّنَ يَسَنَرْ مُسُ دَ ذُوَانْ أَلْمَسِيحُ؞ نَنْ؟»
يَسَاكٜىٰ أَمْسَوَ يَثٜىٰ «أَعَ؞»#مَيْ شَـ 18.15،18؛ مَلْ 4.5
22سَيْ سُكَثٜىٰ مَسَ «تُواْ، وَنٜىٰنٜىٰ كَيْ؟ كَبَامُ أَمْسَرْ دَ ذَامُ مَيَرْ وَ وَطَنْدَ سُكَ عَيْكُواْمُ؞ مٜىٰ كَكٜىٰثٜىٰ دَ كَنْكَ؟»
23يَحْيَى يَأَمْسَ مُسُ بِسَغَ أَنَّبْثِنْ عِشَايَ يَثٜىٰ،
«نِنٜىٰ مُرْيَ مَيْ كِرَا أَدَاجِ ثٜىٰوَ
‹كُڠَرَ حَنْيَ دُواْمِنْ عُبَنْغِجِ!› »#عِشـ 40.3
24سَيْ وَطَنْسُ ڢَرِسِيَاوَا#1.24 ڢَرِسِيَاوَا: دُوبِے مَعَنَرْ وَطَنْسُ كَلْمُواْمِ؞ وَطَنْدَ عَكَ عَيْكُواْ#1.24 سَيْ وَطَنْسُ ڢَرِسِيَاوَا وَطَنْدَ عَكَ عَيْكُواْ: وَنِ جُويِ نَوَطَنَّنْ كَلْمُواْمِ شِينٜىٰ «یَنْ عَيْكَ وَطَنْدَ ڢَرِسِيَاوَا سُكَ عَيْكَ»؞ 25سُكَ تَمْبَيِ يَحْيَى سُكَثٜىٰ «عِدَنْ كَيْ بَ أَلْمَسِيحُ بَنٜىٰ، كَيْ بَ إِلْيَاسُ بَنٜىٰ، كَيْ كُمَ بَ أَنَّبِنَّنْ بَ، تُواْ، دُوانْمٜىٰ كَكٜىٰيِنْ بَڢْتِسْمَ؟»
26سَيْ يَحْيَى يَأَمْسَ مُسُ يَثٜىٰ «نِے كَمْ دَ ضُوَ نَكٜىٰيِنْ بَڢْتِسْمَ، عَمَّا أَݣَويْ وَنِ عَثِكِنْكُ، وَنْدَ بَكُسَنْ شِيبَ؞ 27شِينٜىٰ مَيْ ذُوَا عَبَايَنَ، وَنْدَ نِے بَنْ إِسَ إِنْ كُنْثٜىٰ إِغِيَرْ تَاكَلْمِنْسَبَ؞»
28دُكَنْ وَنَّنْ يَڢَرُ نٜىٰ أَ بٜىٰتَنِ، عَڧٜىٰتَرٜىٰنْ كُواْغِنْ يُواْدَنْ، عِنْدَ يَحْيَى يَكٜىٰيِ وَمُتَنٜىٰ بَڢْتِسْمَ؞
عِيسَىٰ شِينٜىٰ طَنْ ضَغُواْ نَ اللَّهْ
29وَشٜىٰغَرِ يَحْيَى يَغَ عِيسَىٰ يَنَ ذُوَا وُرِنْسَ؞ سَيْ يَحْيَى يَثٜىٰ «دُوبَ، غَا طَنْ ضَغُواْ نَ اللَّهْ وَنْدَ يَكٜىٰ طَوْكٜىٰ دَ ذُنُوبِنْ دُونِيَا! 30وَنَّنْ شِينٜىٰ وَنْدَ نَثٜىٰ، ‹أَݣَويْ وَنِ وَنْدَ يَكٜىٰ ذُوَا بَايَنَ وَنْدَ يَڢِينِ، غَمَا يأَنَانً كَاڢِنْ أَحَيْڢٜىٰنِ؞› 31أَ دَا نِے مَا بَنْسَنْ شِيبَ، عَمَّا نَذُواْ إِنَيِنْ بَڢْتِسْمَ دَ ضُوَ نٜىٰ دُواْمِنْ عَبَيَّنَشِ غَ مُتَنٜىٰنْ إِسْرَٰٓءِيلَ؞»
32سَيْ يَحْيَى يَبَادَ وَنَّنْ شَيْدَ ثٜىٰوَ «نَغَ رُوحُ يَنَ سَوْكُواْوَ عَكَمَنِّنْ كُرْثِيَ دَغَ سَمَ، يَكُمَ ذَوْنَ عَكَنْسَ؞ 33أَ دَا نِے مَا بَنْسَنْ شِيبَ، سَيْدَيْ اللَّهْ وَنْدَ يَعَيْكُواْ نِے إِنْيِ بَڢْتِسْمَ دَ ضُوَ، شِينٜىٰ يَثٜىٰ مِنِ، ‹مُتُمِنْدَ كَغَا رُوحُ يَنَ سَوْكُواْ مَسَ يَكُمَ ذَوْنَ عَكَنْسَ، تُواْ، شِينٜىٰ مَيْيِنْ بَڢْتِسْمَ دَ رُوحُ مَيْ ڟَرْكِے؞› 34نَاكُوَغَا حَكَ يَڢَرُ، نَكُمَيِ شَيْدَ ثٜىٰوَ وَنَّنْ مُتُمْ طَنْ اللَّهْ نٜىٰ؞»
أَلْمَجِرَنْ عِيسَىٰ نَڢَرْكُواْ
﴿مَتْ 4.18-22؛ مَرْ 1.16-20؛ لُكْ 5.2-11﴾
35وَشٜىٰغَرِ كُمَ يَحْيَى يَنَ ڟَيٜىٰ أَوُرِنْ تَرٜىٰدَ مُتُمْ بِيُ دَغَ ثِكِنْ أَلْمَجِرَنْسَ؞ 36سَيْ يَحْيَى يَغَ عِيسَىٰ يَنَ وُثٜىٰوَ سَيْيَثٜىٰ «دُوبَ، غَا طَنْ ضَغُواْ نَ اللَّهْ!»
37دَ أَلْمَجِرَنَّنْ بِيُ سُكَجِ مَغَنَرْ يَحْيَى، سَيْ سُكَبِے عِيسَىٰ؞ 38دَ عِيسَىٰ يَجُويَ يَغَ سُنَ بِنْسَ، سَيْ يَتَمْبَيٜىٰسُ يَثٜىٰ «مٜىٰكُكٜىٰ نٜىٰمَ؟»
سُكَثٜىٰ مَسَ «رَبِّے» وَتُواْ، مَلَمْ «إِنَا كَكٜىٰ دَ ذَمَ؟»
39سَيْ عِيسَىٰ يَأَمْسَ مُسُ يَثٜىٰ «كُذُواْ كُغَنِ؞»
وَجٜىٰنْ ڧَرْڢٜىٰ حُطُ كٜىٰنَنْ نَيَمَّ، سَيْ أَلْمَجِرَنَّنْ سُكَجٜىٰ سُكَغَ عِنْدَ يَكٜىٰدَ ذَمَ، سُكَ كُوَ ذَوْنَ أَوُرِنْ تَرٜىٰ دَشِ أَدُكَنْ يِنِ؞
40أَنْدَرَوُسْ، طَنْعُوَنْ سِيمَنْ بِتْرُسْ، يَنَ طَيَ دَغَ ثِكِنْ مُتَنٜىٰ بِيُنَّنْ دَ سُكَبِے عِيسَىٰ بَايَنْدَ سُكَجِ مَغَنَرْ يَحْيَى عَكَنْ عِيسَىٰ؞ 41سَيْ أَنْدَرَوُسْ يَڢَارَ نٜىٰمَنْ طَنْعُوَنْسَ سِيمَنْ، يَثٜىٰ مَسَ «أَيْ، مُنْ سَامِ أَلْمَسِيحُنْ،»#1.41 أَلْمَسِيحُنْ: كَلْمَرْ نَنْ أَلْمَسِيحُ، دَ إِبْرَانِيَنْثِ أَنْرُبُوتَ مَشِيحْ، كُمَ دَ هٜىٰلٜىٰنَنْثِ، كِرِسْتِ؞ مَعَنَرْ أَلْمَسِيحُ عِتَثٜىٰ وَنْدَ عَكَ شَاڢٜىٰ، عَكَ كُمَ كٜىٰٻٜىٰ؞ وَتُواْ، كِرِسْتِ؞ 42سَيْ يَكَيْ سِيمَنْ أَوُرِنْ عِيسَىٰ؞
عِيسَىٰ يَدُوبٜىٰشِ، يَثٜىٰ «كَيْ نٜىٰ سِيمَنْ طَنْ يَحْيَى؟ ذَاعَثٜىٰ دَكَيْ كٜىٰڢَسْ؞» كُواْ كُمَ بِتْرُسْ مَيْ مَعَنَ «دُوڟٜىٰ»؞
عِيسَىٰ يَكِرَا ڢِلِبُسْ دَ نَتَعَالَ
43وَشٜىٰغَرِ كُمَ عِيسَىٰ يَيِ نِيَّرْ ذُوَا غَلِيلِ؞ سَيْ يَسَامِ ڢِلِبُسْ، يَثٜىٰ مَسَ «كَبِينِ؞»
44ڢِلِبُسْ مُتُمِنْ بٜىٰڟَيْدَ نٜىٰ، غَرِنْ سُو أَنْدَرَوُسْ دَ بِتْرُسْ؞ 45ڢِلِبُسْ يَسَامِ نَتَعَالَ، يَثٜىٰ مَسَ «مُنْ سَامِ مُتُمِنْ دَ عَكَ رُبُوتَ لَابَرِنْسَ أَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا وَتُواْ، عِيسَىٰ بَنَظَرٜىٰتْ، طَنْ يُوسُڢَ؞»
46سَيْ نَتَعَالَ يَيِ تَمْبَيَ يَثٜىٰ «وَنِ أَبِنْ كِرْكِ ذَيْ عِيَ ڢِتُواْوَ دَغَ نَظَرٜىٰتْ كُوَ؟»
ڢِلِبُسْ يَثٜىٰ مَسَ «كَذُواْ كَغَنِ؞»
47 عِيسَىٰ يَغَ نَتَعَالَ يَنَ ذُوَا وُرِنْسَ، سَيْيَثٜىٰ «كُغَ مُتُمِنْ إِسْرَٰٓءِيلَ نَغَسْكٜىٰ، وَنْدَ بَاشِ دَ ڧَضْيَا عَثِكِنْسَ؞»
48سَيْ نَتَعَالَ يَتَمْبَيِ عِيسَىٰ يَثٜىٰ «تَيَيَا كَسَنِّ؟»
عِيسَىٰ يَأَمْسَ مَسَ يَثٜىٰ «نَغَنْكَ تُنْ كَنَ غِنْدِنْ إِتَاثٜىٰنْ ٻَوْرٜىٰ، كَاڢِنْ مَا ڢِلِبُسْ يَكِرَاكَ؞»
49سَيْ نَتَعَالَ يَثٜىٰ وَ عِيسَىٰ «مَلَمْ، كَيْنٜىٰ طَنْ اللَّهْ! كَيْ نٜىٰ سَرْكِنْ إِسْرَٰٓءِيلَ!»
50 عِيسَىٰ يَثٜىٰ وَ نَتَعَالَ «كَا بَادَ غَسْكِيَ نٜىٰ غَمَا نَا غَيَ مَكَ ثٜىٰوَ نَغَنْكَ أَغِنْدِنْ إِتَاثٜىٰنْ ٻَوْرٜىٰ؟ أَيْ، ذَاكَغَ أَبُبُوَنْ دَ سُكَڢِے وَطَنَّنْ؞» 51سَيْ عِيسَىٰ يَڧَارَ ڢَطَا مُسُ ثٜىٰوَ «حَڧِيڧَ إِنَ غَيَ مُكُ، ذَاكُغَ سَمَ عَبُوطٜىٰ، مَلاَىِٕكُنْ اللَّهْ كُمَ سُنَ هَوَ سُنَ سَوْكَ عَكَنْ طَنْ مُتُمْ؞»#ڢَارْ 28.12
હાલમાં પસંદ કરેલ:
يَحْيَى 1: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
