MATIUS 6:16-18

“Kir nen puasa eruwok nen yiluk kalok, ir akuni nen puasa erir tagwi mende yenggak ninawak yiluk erugup o. Nenaluk, ir akuni puasa eku lagarik inakla andawak nen yiluk, ineloktenggen paga warek-warek ekwi eti paga, onggo arar koda tagwi o. Kir puasa eruwok nen yiluk kalok, kinanggoma watalok, kiniri pipak mbililogo nen, tamban eku dogorak o, Eti nenaluk, akuni nen nonggwa mendek kwan erogo tamban eku lagarik, yiluk inilu agunem ake, Ogwe arte Kinombae mbogor paga mendek kimago enogo adigar ilu o. Kir kiragoma ekwi eti, Ar obok ilu ma, onggo wokiragin o.”