متى 11
11
سِيذِيثْنغ عِيْسَى ذ سِيذْنَا يَحْيَى
1وَامِي يكمّڒ عِيْسَى ڒُوْصِيَاث إِ ثنْعَاش ن يمحْضَارن نّس، يُوْيُوْر سّنِّي يرُوْح حمَا اَذ يسڒْمذ اَذ يحدّث ذِي ثْندَّام#11.1 ثِندَّام نِثنْتِي ذ ثِنْدِينِين. إِي د يُوْذْسن جِّهث نِّي.
2وَامِي يَحْيَى اَقَاث ذِي ڒحْبس، ئِسْڒَا خ ڒخْذَايم ن لْمَسِيح. ئِسّكّ شَان يمحْضَارن نّس غَار عِيْسَى 3حمَا اَذَاس ينِين: "مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟"
4ئِنْدق-د عِيْسَى ينَّا-ٱسن: "عقْبث غَار يَحْيَى عَاوْذم-اَس مِين تسْڒَام ذ مِين تْوَاڒَام: 5ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن. 6سَّعْذ ن يِنِّي وَار ذَايِي يتْشكِّين شَا."
7وَامِي روّْحن يمحْضَارن ن يَحْيَى، عِيْسَى يبْذَا يسَّاوَاڒ خ يَحْيَى يقَّار-اَسن إِ ڒْغَاشِي نِّي: "مِينْخف ثفّْغم اَذ تࢲرم ذِي ڒخْڒَا؟ مَا غَار يج وغَانِيم يتْهزَّا-ث اَرِّيح؟ لَّا! 8مڒَا لَّا، مِينْخف ثفّْغم اَذ تࢲرم؟ مَا ذ يجّن ن ورْيَاز يَرض اَرُّوْض ذ اَصبْحَان؟ لَّا، يِنِّي إِي غَار يدْجَا وَارُّوْض ذ اَصبْحَان تْعِيشن مْلِيح تِيڒِين ذِي ڒْقُصُوْر ن يزدْجِيذن! 9مڒَا لَّا، مِينْخف ثفّْغم اَذ تࢲرم؟ مَا ذ يجّن ن نَّبِي؟ قَّارغ-اَوم: وَاه، نتَّا كْتَار زݣ يِجّن ن نَّبِي. 10ذ يَحْيَى إِي خف يسَّاوَاڒ لْكِتَاب:
أَقَا تْسكِّيغ-د يجّن ن اَرَّسُوْل ينُو زَّاثش،
حمَا اَذَاش يسوْجذ اَبْرِيذ نّش.#11.10 خْزَر مَلَاخِي 3:1.
11أَقَا تسْڒَام ڒْحَقّ: زِي مِين د جِّينْت ثمْغَارِين، وَار يدْجِي حَدّ ذ اَمقّْرَان زِي يَحْيَى، وَلَكِن ونِّي إِي يدْجَان ذ اَمزْيَان قَاع ذِي ڒْمُلْك ن وجنَّا نتَّا ذ اَمقّْرَان زِي يَحْيَى.
12زِي ڒْوقْث ن يَحْيَى اَڒ ڒخُّو يوْذَان تمْذحَّاسن اَذ اَذْفن ذِي ڒْمُلْك وجنَّا، يرْيَازن تْمنْغَان بَاش اَغَارْسن يِيڒِي. 13أَقَا شَّرِيعَا ن مُوْسَى#11.13 شَّرِيعَا ن مُوْسَى قَّارن-اَس تُوْرَات. ذَايس ڒُوْصِيَاث نِّي إِي د يُوْشَا سِيذِي أَربِّـي إِ يِوْذَان ن أَيث-إِسْرَائِيل خ وفُوس ن سِيذْنَا مُوسَى. تُوْرَات ن سِيذْنَا مُوسَى ذَايس خمْسَا ن لْكُتُب: ئِجّن قَّارن-اَس يمزْوُوْرَا، ئِجّن قَّارن-اَس ؤُفُوْغ، ئِجّن لْكِتَاب ن أَيث-لَاوِي، ئِجّن لْعَدَد، ئِجّن أَفسَّار ن شَّرِيعَا ن مُوسَى. ذ قَاع لْأَنْبِيَا سِّيوْڒن خ ڒْمُلْك وجنَّا حتَّا اَڒ ڒْوقْث ن يَحْيَى. 14أُو مڒَا ثخْسم اَذ تْفهْمم، يَحْيَى نتَّا ذ نَّبِي إِلْيَاس نِّي إِي نتْرَاجَا. 15صنّط مْلِيح آ ونِّي يتْسْڒَان.
16خ مَانَايَا وِي ذِي غَا شَابّْهغ يوْذَان ن ڒْوقْث-أَ؟ نِثْنِي اَم شَا ن يحنْجِيرن إِي يقِّيمن ذِي سَحَا تْڒَاغَان إِ وَايَاوْيَا قَّارن: 17نتْصُوْض ذِي ثمْجَا،#11.17 ثَمْجَا نتَّاث ذ ثَشبَّابْث. وَار ثشْضِيحم شَا. نتْعزَّا-كنِّيو، وَار ثتْرُوْم شَا. 18مِينْزِي يَحْيَى يُوْسَا-د يتْࢲُوْمَّا وَار يسسّ اَمَان ن وضِيڒ، نَّان اَقَا ذَايس جْنُوْن! 19يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا، نَّان قَا وَانِيتَا يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان. إِنَّمَا، ڒفْهَامث ن أَربِّـي قبّْڒن-تث مَارَّا يِنِّي يفهّْمن."#11.19 لْأَيَا-يَا س ثَيُوْنَانِيث ثُوْسَا-د اَمُّو س ڒْحَرْف: ڒخْذَايم ن ڒفْهَامث تِيشّنْت-اَس ڒْحَقّ إِ ڒفْهَامث نِّي.
ثِندَّام يكفَّارن
20سّنِّي يبْذَا عِيْسَى يتْعيَّاب ثِندَّام نِّي إِي ذِي يݣَّا اَطَّاس ن لْمُعْجِزَاث نّس، وَار تُوْبن شَا اَيثْبَاب نْسنْت. 21ينَّا عِيْسَى: "يَا ڒفْضِيحث نّش يَا أَبِيلَاج ن كُوْرَزِيم! يَا ڒفْضِيحث نّش يَا أَبِيلَاج ن بَيْت صَيْدَا! مَعْلِيك لْمُعْجِزَاث-أَ إِي ذَايْوم يوقْعن، وقْعنْت ذِي ثْندَّام ثِعفَّانِين ن صُوْر ذ صَيْدَا، أَتَاف اَيثْبَاب نْسنْت تُوْبن مشْحَاڒ زݣ وَامِي، ئِڒِي ݣِّين اَرُّوْض ن لْحُزن قِّيمن خ يِيغّذ#11.21 ئِغّذ نتَّا ذ ثْنِيفسْث. حمَا اَذ د تْبَان تُوْبَا نْسن. 22خ مَانَاينِّي اَذَاوم ينِيغ: أَقَا ثِندَّام ثِعفَّانِين نِّي ن صُوْر ذ صَيْدَا اَذ يڒِينْت حْسن زَّايْوم ذِي يُوْم لْحِسَاب ذ لْعِقَاب. 23ئِي شك آي اَبِيلَاج ن كَفرْنَاحُوْم! مَا تْغِير-اَش اَذ تݣَعّْذذ غَار وجنَّا؟ لَّا، قَا شك اَذ تهْوِيذ غَار لْجَحِيم. ڒَاحقَّاش لْمُعْجِزَاث نِّي إِي ذَايش يوقْعن، مْڒِي وقْعنْت ذِي ثنْدِينْت ثَعفَّانْت نِّي ن سَادُوْم، إِڒِي عَاذ اَقَات ذ ثَنْدِينْت اَڒ نْهَارَا. 24خ مَانَاينِّي اَذَاوم ينِيغ: أَقَا ثَنْدِينْت ثَعفَّانْت نِّي ن سَادُوْم اَذ تِيڒِي حْسن زَّايش ذِي يُوْم لْحِسَاب ذ لْعِقَاب!"
أَرَّاحث إِ يِنِّي يُوْحْڒن
25ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن. 26وَاه آ بَابَا، ڒَاحقَّاش اَمُّو إِي خَاك يَارْضَا.
27ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.
28آ يِيْن يُوْحْڒن س دْقڒ إِي ثَرْبُوْم، أَرَحم-د غَارِي مَارَّا كنِّيو نش اَكنِّيو سْريّْحغ. 29اَرْبُوْث خَاوم ثْزَايْڒُوْت#11.29 ثزَايْڒُوْت نتَّاث ذ ثْزَاݣْرُوْت. تݣّن-تث خ يِيرَاون ن يفُوْنَاسن ذِي زْمَان شرّْزن زَّايس. قَّارن-اَس عَاوذ ثَغْوَاوْث. ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم. 30ڒَاحقَّاش مڒَا ثَرْبُوْم ثْزَايْڒُوْت ينُو نتَّاث اَقَا ثهْوَان، دْقڒ ينُو يفْسُوْس.
હાલમાં પસંદ કરેલ:
متى 11: ريف
Highlight
શેર કરો
નકલ કરો
Want to have your highlights saved across all your devices? Sign up or sign in
