Jɛ́nɛ́sì 6:1-4

Ti ɓɛ́ nyɔǔn-dyù nìǎ ma dyí vòɛ̌n ɓóɖó-kpàɔ̀ kɔ̃, ké wa nìǎ ma màa-dyù ɓě wóɖóɛ̌n nyɛɛ, Gèɖèpɔ́ɔ̀ dyú-gàà ɖíɛ́ ɓě dyé ma nyɔǔn-dyùɛ̀ dyú-màà ɓěɔ̀ kà wa nɔ̀mɔ̀ ma kɔ̃in nyɛ, ké wa kpɔ̃ ma nyɔ́nɔ́ ɓě wa mɔ́ ma kɛɛ dyi. Hwɛ̀ ké Bounɓoɔ̀ cɛ̃ɛ ma, ké ɔ ɖá, “Ḿ se nyɔǔn dyi táǎ mu, ɓɛ́ wa ké hwèɖèìn ɖe. Wa mɔ̀ fɔ́ jèɛɛ, wa mu cĩ́ìn ɓó zɔ̃ hɔ̃dɛ̀ɖɛ̀ ɖò kè kpáɖá-nyɔ nyɛ̀nɛ̀ɛ̀.” Ɓó ti kɔ̃̀ ɓaɖa ɓɛ́ Gèɖèpɔ́ɔ̀ dyú-gàà ɓěɔ̀ kè nyɔǔn-dyùɛ̀ dyú-màà ɓěɔ̀ nì ma ɓó da, ké wa wóɖóìn ma dyú ɓěɛɛ, waà dyú ɓěɔ̀ kè waà nyúà-dyú ɓěɔ̀ mɔ̀ ma nyɔ ɓúá dyai ɓě ɓóɖó-kpàɔ̀ kɔ̃. Wa mɔ̀ ma kpé-ɓéɖé-nyɔ̀ ɓě nìǒ zɔ̃̌ɔ̀ ɓɛ́ wa kɔ̃̀ nyɛ́nɛ́ muó zɔ̃̌ɔ̀ kɛ.