Chivkeeb 6
6
Tuabneeg Ua Phem Ua Qas
1Thaus tuabneeg pib fuamvaam thoob nplajteb hab yug tau tej ntxhais coob, 2muaj ib cov timtswv qaumntuj#6:2: timtswv qaumntuj; lossis tej nyuas vaajtswv tej tub; lossis Vaajtswv tej tub. pum cov ntxhais ntawd zoonkauj heev, yogle ntawd puab txawm tuaj yuav cov ntxhais kws puab nyam moog ua quaspuj. 3Tes tug TSWV has tas, “Kuv yuav tsi tsocai rua tuabneeg muaj sa nyob moog ibtxhis, ruaqhov puab yog tuabneeg kws txawj tuag. Txij nuav moog yuav tsi pub puab nyob ntev tshaaj 120 xyoo.”
4Tam ntawd, lug rua tam tomqaab nuav, muaj cov tuabneeg Nefilees kws luj hab sab heev nyob huv nplajteb nuav; puab yog xeebntxwv ntawm tuabneeg nplajteb tej ntxhais kws yuav cov timtswv qaumntuj. Puab yog cov tuabneeg kws ua tau heev hab muaj koobmeej nyob rua txheej thaus u.#Teev 13:33
5Thaus tug TSWV pum tas txhua tug tuabneeg kws nyob huv nplajteb nuav muaj lub sab ua phem ua qas luj heev tuaj hab puab lub hlwb tsuas yog xaav txug tej kws phem txhua lub sijhawm xwb, 6tug TSWV tusab kws Nwg tau tsim tuabneeg lug nyob rua huv lub nplajteb nuav. Nwg khauvxwm kawg le, 7Nwg txhaj has tas, “Kuv yuav muab cov tuabneeg kws Kuv tau tsim nuav, nrug rua tej tsaj luj tsaj miv, hab tej noog kws yaa sau nruabntug, ua kuas puamtsuaj huv tuabsi moog. Kuv tusab has tas Kuv tau tsim puab lug.” 8Tabsis tug TSWV txaussab heev rua Nau-as. #Math 24:37; Lukas 17:26; 1Pet 3:20
Nau-as
9-10Zaaj nuav yog has txug Nau-as lub neej. Nau-as muaj peb tug tub, Sees, Haas hab Yafej. Nau-as yog ib tug tuabneeg ncaajnceeg hab yog tuabtug kws coj zoo nyob rua nwg tam tuabneeg ntawd. Nwg ua neej nrug Vaajtswv sis raugzoo, #2Pet 2:5 11tabsis dlua le lwmtug tes Vaajtswv pum tas puavleej ua phem huv tuabsi; kev phem kev qas nthuav dlaav zujzug moog thoobplawg txhua qhov chaw. 12Vaajtswv saib lub nplajteb tes Nwg pum tas puvnpo tej kev phem kev qas, vim tej tuabneeg puavleej ua lub neej nrug kev phem lawm xwb.
13Vaajtswv txhaj has rua Nau-as has tas, “Kuv txavtxim sab lawm kws yuav ua kuas tuabneeg tu noob moog. Kuv yuav ua kuas puab puamtsuaj taag huv tuabsi, ruaqhov lub nplajteb nuav puvnpo puab tej kev uanruj uatsiv xwb. 14Koj cale muab cov ntoo kubtwg lug txua ua ib lub nkoj rua koj; ua kuas muaj ntau chaav rua huv lub nkoj ntawd hab muab roj ntoos lug leem kuas thoobplawg saabhuv hab saabnrau huv tuabsi. 15Txua lub nkoj ntawd kuas ntev 133 mev, dlaav 22 mev, hab sab 13 mev. 16Muab vuag vuv#6:16: Muab vuag vuv; lossis Ua ib lub qhovrais. lub nkoj ntawd rua hab tseg le 44 mev thoobplawg, tsi xob xov kuas ti rua sau cov vuag.#6:16: vuag; lossis qhovrais. Lub nkoj ntawd ua kuas muaj peb tshooj hab ua ib lub qhovrooj rua ib saab.
17“Kuv yuav tso dlej lug nyaab nplajteb kuas txhua yaam kws muaj sa raug puamtsuaj moog. Txhua yaam kws nyob huv nplajteb yuav tu noob moog taag huv tuabsi, 18tabsis Kuv yuav coglug rua koj. Koj cale coj koj tug quaspuj hab koj cov tub cov nyaab moog rua huv lub nkoj. 19-20Coj txhua yaam tsaj ib yaam ib nkawg hab txhua yaam noog ib yaam ib nkawg nrug koj moog nyob huv lub nkoj, sub tej tsaj ntawd txhaj tsi tuag. 21Nqaa txhua yaam zaub-mov rua koj tsev tuabneeg hab tej tsaj tau noj.” 22Nau-as txhaj ua txhua yaam lawvle Vaajtswv tau xaaj tseg lawm. #Henpl 11:7
હાલમાં પસંદ કરેલ:
Chivkeeb 6: HNJ2022
Highlight
શેર કરો
નકલ કરો
Want to have your highlights saved across all your devices? Sign up or sign in
© 2022 United Bible Societies. All rights reserved.