یارادیلیش 9
9
تارینین نوحلا باغلادیغی عهد
1تاری نوحا و اونون اوغوللارینا برکت ورئب ددی: «ثمره‌لی اولوب، چوخالین و یِر اوزونو دولدورون. 2یرده‌کی بوتون حیوانلار، گؤیده‌کی بوتون قوشلار، یرده سورونن بوتون جانلی‌لار و دهنزده اولان بوتون بالیقلار سئزدن قورخوب دهشته گله‌جک. اونلار سئزئن ائختئیارینیزا ورئلئب. 3حرکت ادن بوتون جانلی‌لار دا سئزه یمک اولاجاق، اونلارین هامیسینی بوتون یاشیل اوتلار کئمی سئزه ورئرم. 4آنجاق اَتی اونون قانی‌ائله بئرلئکده کی، اونون جانی‌دیر، یمیه‌جکسئنئز. 5آرخایین کی، من ده سئزئن قانینیزین قئصاصینی هر جانلی‌دان آلاجاغام. هر حیواندان قانینیزی آلاجاغام. هر آدامین قانینی دا آیری ائنساندان آلاجاغام.
6کئم ائنسان قانی تؤکسه،
اونون دا قانی
ائنسان اَلی ائله تؤکوله‌جک.
چونکی تاری ائنسانی
اؤز صورتئنده یارادیب.
7سئز ثمره‌لی اولوب چوخالین،
یِر اوزونه یاییلین،
اورادا چوخالین.»
8تاری نوحا و یانیندا اولان اوغوللارینا ددی: 9«باخ، من سئزئنله، سئزدن سونراکی نسئلئنئزله اؤز عهدئمی باغلاییرام، 10بو عهدی جانلی مخلوقلارلا-قوشلار، مال-حیوانلار و بوتون وحشی حیوانلارلا دا کی، گمئدن چیخیبلار و یِر اوزونده سئزئنله‌دئرلر، باغلاییرام. 11سئزئنله اؤز عهدئمی قویورام کی، بوتون جانلی‌لار بئر داها سلله محو اولمایاجاق و هچ واخت یِر اوزونده وئران ادن سل باش ورمه‌یه‌جک.» 12تاری گئنه ددی: «بودور او عهدئن علامتی کی، من اونو سئزئنله و سئزئنله اولان بوتون جانلی‌لارلا و سئزدن سونرا گلن بوتون نسئل‌لرله باغلامیشام؛ 13بولوددا اؤز کامانیمی قویورام کی، منئمله یر اوزو آراسیندا اولان عهدئن علامتی اولسون. 14من یِر اوزونه بولود گتئردئیئم زامان، بولوددا کامان گؤرونه‌جک. 15من سئزئنله و بوتون جانلی مخلوقلارلا باغلادیغیم عهدی یادا سالاجاغام. سولار بئر داها سله چوئرئلمیه‌جک کی، بوتون جانلی‌لاری محو اتسئن. 16بولوددا کامان گؤرونن زامان من اونو گؤروب، او ابدی عهدی یادا سالاجاغام کی، من تاری و یِر اوزونده یاشایان بوتون جانلی مخلوقلارلا وار.» 17تاری گئنه نوحا ددی: «بودور او عهدئن علامتی کی، من اونو یِر اوزونده یاشایان بوتون جانلی‌لارلا باغلامیشام»
نوحون اوغوللاری
18گمئدن چیخان نوحون اوغوللاری بونلاردیر: سام، خام، و یافِت. خامدان کَنَعان اولدو. 19نوحون اوچ اوغلو بونلاردیر و یِر اوزونده‌کی بوتون ائنسانلار اونلاردان اولدو.
20نوح تورپاغی بِجَرمیه باشلادی و بئر اوزوم باغی اَکدی. 21شراب ائچئب کِفلَندی و اؤز چادیریندا لوت اوزاندی. 22کَنَعانین آتاسی خام، آتاسینین لوت اولدوغونو گؤردو و بونو اشئکده ائکی قارداشینا ددی. 23سام و یافِت بئر پالتار گؤتوروب، اؤز چئیئنلرئنه سالدیلار و دالدالی ائچه‌ری گئرئب، آتالارینین لوت بدنئنی اؤرتدولر. اونلارین اوزلری او بئری طرفه چوئرئلمئشدی و آتالارینین لوتلویونو گؤرمه‌دئلر. 24نوح اؤز کِفلئلئیئندن آییلدی و کئچئک اوغلونون عملئنی بئلئب ددی:
25«کَنَعانا لعنت اولسون،
اؤز قارداشلارینین قوللارینا قول اولسون.»
26نوح گئنه ددی:
«سامین تاریسی رب موبارک اولسون،
کَنَعان اونا قول اولسون.
27تاری یافِته #9:27 «یافِت» - عئبرانی دئلئنده یعنی «آرتیقلیق» ووسعت ورسئن،
سامین چادیریندا یاشاسین.
کَنَعان اونا قول اولسون.»
نوحون اؤلومو
28نوح سلدن سونرا، داها اوچ یوز اَلّی ائل یاشادی. 29او، دوقّوز یوز اَلّی ائل عؤمور سوروب، اؤلدو.
હાલમાં પસંદ કરેલ:
یارادیلیش 9: موقدس کتاب
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.