Popular Bible Verses from Jonɨ 6

શેર કરો

Jizaazai wɨdɨna “Gaalyabwine wapaaya sai sahwainyɨ. A'mwera aawapaaya tɨka nyɨna yadɨvɨ' ayawɨ mɨjɨka yɨna. Aalya nyɨna yadɨvɨ' ayawɨ mɨjɨka yadɨvɨtara. Pwai nɨmɨnyawɨnna wɨlaabozɨ gannya kuryai mɨjɨka mwi. Arɨkewɨ. Sai nyɨlɨmwagozɨ aalya'na mwinyɨ yadelyɨ. Arɨkawɨ.

Yuyagaa'ne gaala sabwi Gotɨyare Kuryai yɨhɨzaavadelyɨ. A'mweraavɨre mɨwɨsajɨkɨ dɨmaaryidevwina mɨ'. Yagaala sa nɨmɨnyɨna yɨhɨthɨvanɨge sa Gotɨyare Kuryaina yɨhɨthɨvanɨge. Yagaala sa gaalyabwinenna yɨhɨthɨvanɨge.

Wapaaya bwia bu'denna wawɨnya' minna! Aawa. Yuyagaa' yuyagaa'ne gaalya'ne wapaaya ge waragwode sanna wawɨnya' jɨ! Wapaaya sa A'mweraavɨne Kaimɨraayai gɨzaavadengɨ. Sare' dare'nesɨ. Gotɨyai Ganɨmaangei gannya dɨragɨnya' kujaava' baavanaka sahwai sara yadelyɨra.”

Sare' dare'nesɨ. Nɨmaamaangere sɨmunyabwi dara yawɨ'manɨkesɨ. Gazaizai Nyɨbwaalɨvɨ wanganojɨ sahwarɨ lɨmwagarojɨ yuyagaa' yuyagaa'ne gaalyabwi maarana! Sara kanyɨda' Yɨrɨka Aayagaa' sahwarɨ yɨdɨkaavɨdelyɨ.”

Jizaazai ja'nawɨdɨna “Gotɨyare wawɨnya sa'na daresɨ. Sahwai wɨdasaabakerɨna dɨragɨnna dɨlɨmwagarila!”

Nɨmwai nyɨjaavajara yuyara nɨmɨnyawɨnna bɨpɨ'deinyɨ. Nɨmɨnyawɨnna sara bozɨyarɨ mwasɨmagɨnna marasɨ'nɨdei mɨka. Arɨkewɨ.

Saaimonɨ Pitai ja'nawɨdɨna “Naangeigɨ, aaryawɨnna wawaadeinaavaka! Aawa, yuyagaa' yuyagaa'ne gaalyabwine yagaalya kɨnɨnnakeigɨnyɨ.

Wapaaya sai Sɨgunyavɨdaa'nyɨ walaabeneinyɨ sahwainyɨ. A'mwe pwai kwai Wapaaya sainyɨ nyɨnajai yuyagaa' yuyagaa' tewaanya mwaaladelyɨ. Wapaaya nɨmɨ wɨjaavɨwɨja' nɨmɨre mɨwɨsajɨ'na nabaai Kwaakevakɨ mwaalyaraavɨna mɨwɨta sajɨ' muba'mujɨ Kwaakevakɨ mwaalyaraavɨ gaalyabwi wɨmaaridezɨkɨra.”

Nɨmwai nyɨdasaabakei nɨmɨnyawɨnna aane pwarɨ kwarɨ mamwagi'nya yaja' sai nɨmɨrei yɨma'nya'nei mabyɨ yannelyɨ. Nɨmwai sahwarɨ mwagi'nyɨ yajarɨ Yɨrɨka Aayagaa' tewaanna mwaalade'na yɨdɨkaavɨdeinyɨ.

Sare' dare'nesɨ. Gotɨyare Wapaayai Sɨgunyavɨdaa'nyai Kwaakevakɨ mwaalyaraavɨna gaalyabwi wɨjaavadelyɨ yuyagaa'.”

Sahwainyɨ gaalyabwine Wapaayainyɨ.

Yuya, a'mwera a'mwe walamwaaina kye' Jizaazai bɨretɨya sa maarɨna yaka Gotɨyarɨ “Su! Su!” wɨdɨna kya' bɨretɨya naanga yɨma'nadaa'nyɨ a'mwe walamwaaina yadapiyangɨna yanga wɨjaavɨna. Wɨjaavɨna yaka bɨretɨya wɨjaavakabaaina jawɨnyawaai wɨjaavɨna kya' “Sare' nɨma!” yawɨ'dɨvɨ' sara nyɨna kye' munya wina'. Munya kwina' sai gamɨreraavɨ wɨda' “Nagihɨwaasa yaasɨwa' warya nyadɨka! Wapaaya wa'mwaka yuya dɨmaaryi!”

naangeba (5 kilomitaaya pɨnɨ, 6 kilomitaaya kɨnɨ) gamɨrera sɨpɨya' yɨsajɨ aalyavɨ maarɨmaarya yɨna. Sarevɨdaa'nyɨ aalyavɨ a'ba Jizaazai ga'nɨguna yaka sɨpɨyavɨ aya kɨbanna yɨ'ma'na yakerɨ tɨnna wanganna yeva lɨka naanga yɨna. Lɨka naanga yɨna kye' sai wɨdɨna “Nɨmɨnyɨra. Lɨka mipɨnera!”