Popular Bible Verses from Jonɨ 12

શેર કરો

A'mwe pwai kwai ‘Jizaazarɨ wɨdaayɨma!’ dɨna yajai nyɨmɨdɨnaabana! Nyɨdaayadei sara yojɨ nɨmɨ mwaaimujava sahɨba mwaaladelyɨ. Pwai kwai nyɨdaayajai sahwarɨ Nɨmaamaangei gamɨnyɨne yaya' makɨladelyɨra.”

Pwai gannya gaalyabwina Kwaaka davakɨna yuna wɨvu'nadei gannya kuryai yɨgaladelyɨ. Pwai gannya gaalyabwina Kwaaka davakɨ sɨmɨlɨka yuna widei yuyagaa' yuyagaa' gannya kuryai maremwaaladelyɨ.

Nebulya'na yɨhɨthɨvanɨge. Witɨzɨla pwai kwaakevɨna walaawɨna yori mabalyɨ yajai gavei kuna waradelyɨ. Sai kwalaalyara mima'nyɨ yadelyɨ. Kwaakevɨ witɨzɨlyai balajai kayaaka yajai yɨ, yɨrɨvadehaa' witɨzɨla naanga naangera maarɨna yadelyɨ.

Kwaaka davakɨna Baakeinyɨ baheinyɨ ‘Gazaizai nɨmɨnyɨ nyɨlɨmwagazai jɨhɨnyavɨ kuna namwaaladɨka!’ dena baheinyɨra.

A'mwe pwai kwai nɨmɨre yagaalya' kadɨka wɨ'nojɨ savɨ mamɨdɨnyɨ yajai sahwarɨ kotɨya' yawɨbwarya'neinyɨ beinyɨ mɨ'. Sare' dare'nesɨ. ‘Kwaaka davakɨ mwaalyaraavɨ kotɨya'na yawɨbwarɨma!’ dena baheinyɨ mɨ'. Aawa. ‘Kwaaka davakɨ mwaalyaraavɨ padaihasamaarɨma!’ dena baheinyɨra.

Sarevɨdaa'nyɨ yuyara nyɨna nyɨna yadaapi Maarɨyaa' Lazaarazarɨ ganyaabulaange' welivanadalya' maarɨna yaka Jizaazarɨ sɨvɨlyaraarɨ dɨngɨna yaka gannya mɨjata saamɨnyasɨ yaalɨka yimwanna. Welivananya sa' wabatɨrɨnya naange' yɨnɨke' purɨrya naathɨyangɨdaa'nyɨ welivananya nawɨ'nya' yavɨkaryadɨvɨsa' Maarɨyaa' nɨgwia naanga mubakesɨ. Dɨngɨna kya' anga yuneba wabatɨrɨnya' winnyɨna.

Sara deva Jizaazarɨ yɨlaaya'na aaburyabɨsangɨre kɨwasa maarɨna yeva gamɨnyɨ wɨjɨmaa'nya'na wɨna yeva jaka dɨna dɨna “Gotɨyaigɨ, gɨmɨnyɨ yɨlaaya yɨvanɨgo. Naangeigɨre yayavɨnei wɨdasaabahɨnyarɨ tewaanna dɨwio! Gotɨyai Yɨzɨrelɨyainaavɨre maremwaaiderɨ tewaanna wiano!”

Mena wɨdaawɨna kyagi Jizaazai ja'nawɨdɨna “Nɨmɨregaa' yɨma'nɨwakegaakɨ. Dahaa' A'mweraavɨne Kaimɨraayai byaannya' kɨnɨnnakei yɨma'nadelyɨ.