Popular Bible Verses from Luk 17

શેર કરો

Nug anam ana amu Nug danab amu amegppa aum. “Na ahan ukke! Na ootppa genab doome amunu, na eɗun ena daattem,” awa aum.

Amu nug nahip-ppa deɗ laippuppa hipunin heeb, ukka eblaih aɗit teeb, haen eblaih aɗit nug eɗua na gumitta uɗia, ‘Gadon, da eheɗ hemi,’ awa ab amu, na nuhig hipunin amu uhuqna mette!” awa aum.

Amu ag oolagppanu danab laippu, nug beɗu eɗua ena dayom anttowa, nug eɗua ukka, huana ewawa, Kayak binag meum. Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Am ag akka ahilagnu ele dabmeig! Amu ag awalag o amalag laa nug hipunin heeb amu na nug daug bate! Amu nug oo eɗueb amu, na nuhig hipunin uhuqna mette!

Am Jesus Nug danab amu nug anam he antta, Nug aum. “Am da doottem, ag danab eblaih tanig ele beɗulag eɗua ena dayom, amge danab eblaih waɗele laa amu ag adeppa daatteb?

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Am danab laippu laa nug wanppanu bau dayak nuhig aɗakku, aria geha bauklel nuhig am iitta mekku, amge danab laa nug wan imuppanu bau dayak uutte, am geha nug bauklel hanhan daakku.

Amu Jesus Nug nuhikkud ippunittak awak danab amelagppa aum. “Am keeke digdig danab ah ag hipunin hekkulagnu eeɗadkkulagnu daatteb, amge danab nug heeb, danab laa ag hipunin hekkulag amu, nuhignu gadonnab gadon. Amu laa nug heeb, nid naunau imunu laippu laa nug hipuninppa na qeeb amu, danab he na qeum ele, laa ag nug ii heum haenppa nug baagppa ee aeg ganuɗaknu men qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Nug anam ana amu Nug baula aum. “Noanu haenppa danab ag kobol aɗi aɗi heppig, amubianab Danab Bekkalag da, da eɗue uɗikkulnu haenppa amu, danab ag kobol anamib hekkulag. Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.