Popular Bible Verses from YAYA 8

શેર કરો

Kun Yesus pisiu mida laʹa: “Akeʹ ne iaʹ ngedema usun tanaʹ ini. Aheʹ iaʹ bayaʹ akeʹ, ia iaʹ ke un dema iaʹ ngkin udip mia ngan nyahut te abeʹ un ke masat dalau ntem ne laʹa.”

Ikem ke tisen katuk iaʹ telit, ngan katuk iaʹ telit ina lete iaʹ ke nakau ikem.”

Ina ukoʹ Yesus pisiu me kelunan Yahudi diaʹ ngelan neng ia: “Buk kem bayaʹ dau katuk keʹ, ikem ne iaʹ atek kelunan diaʹ bayaʹ katuk keʹ lan ʹo.

Buk Anak Sio ini ke nakau ikem, ina le ikem ke takau lan.

Dalau re nekejeng kina ngan lemutu lemutu ia, penco kenai Yesus beteʹ ngan kuma ha neng ida: “Aheʹ iaʹ nyahut abeʹ un uyan penyalaʹ mikem, ia iaʹ senteng nading lemulo batu neng ia.”

Kun Yesus pisiu mida: “Akeʹ badaʹ mikem lan, aheʹ aheʹ diaʹ uyan penyalaʹ, ida iaʹ ulaʹ penyalaʹ.

Penco kenai ie beteʹ ngan kuma ha neng leto ina: “Kempi ne ida dai? Abeʹ un ca usa pe iaʹ un nahung ke metep ukum neng ikoʹ?” Un dau leto ina mipa ia: “Pabeʹ ca pe abeʹ un amai.” Dau Yesus neng ia: “Buk pekina, abeʹ pe akeʹ ke metep ukum neng ikoʹ. Tai ne, ngan ayen kanyam ti penyalaʹ laʹa.”]