Popular Bible Verses from Laataanooji 1

શેર કરો

Allah wi'i: “En mbaɗa neɗɗo dow jaati meeɗen, dow nanndal meeɗen. O laamano liɗɗi nder mbeela, colli e dabbaaji e kuuje ladde e ladooji dow lesdi fuu.” Allah tagi neɗɗo dow jaati muuɗum, o tagi mo dow nanndal maako, o tagi gorko e debbo.

Allah barkiɗini ɓe, wi'i ɓe: “Ndanye, ɗuuɗe, kebbine lesdi, laamane ndi! Laamane liɗɗi nder mbeela e colli e dabbaaji ngaancotooɗi dow lesdi fuu!”

Haa fuɗɗam Allah tagi asamanji e lesdi.

Lesdi ɗonno cookri, walaano koo ɗume dow maari, nyiɓre suddino ilamji lugguɗi. Ruuhu Allah ɗonno yiilo dow ndiyamji.

Nden Allah wi'i: “Annoora laato.” Ka laati.

Allah yi'i ko o waɗi fuu, ɗum booɗɗum masin. Hiiri, weeti, ɗum nyalaade joweego'oore.

Allah yi'i ka wooɗi. Nden o senndi hakkunde annoora e nyiɓre.

Allah wi'i: “Ndaa, mi hokki on fuɗŋgooji dimooji dow lesdi fuu, non boo leɗɗe marɗe ɓiɓɓe bee aawdi nder muuɗum'en, ɗum laatoto nyaamdu mooɗon.

O inndi annoora nyalawma, nyiɓre boo o inndi ɗum jemma. Hiiri, weeti, ɗum nyalaade aranndeere.

Allah wi'i: “Senndoode laato caka ndiyamji, ngam senndugo hakkunde maaji.” Non ɗum laatori.

Dabbaaji lesdi e colli e ko waancata dow lesdi fuu, waato ko mari yoŋki fuu, mi hokki ɗum haako hecco ngam nyaamugo.” Non ɗum laatori.

Allah wi'i: “Jayli laato haa asama ngam senndindirgo nyalawma bee jemma. Ɗi laato alaamaaji ngam anndugo wakkatiiji juulɗe, non boo nyalɗe e duuɓi.

Nden o wi'i: “Lesdi fuɗna fuɗŋgooji, waato huɗo marko aawdi e haakooji marɗi aawdi, leɗɗe dimooje ɓiɓɓe bee aawdi nder muuɗum'en dow lesdi, koo ɗume fuu fodde asli muuɗum.” Non ɗum laatori.

Allah waɗi senndoode maajum. O senndiri ndiyamji les bee ndiyamji dow.

Lesdi fuɗni huɗo marko aawdi e haakooji marɗi aawdi fodde asli muuɗum'en, non boo leɗɗe dimooje ɓiɓɓe bee aawdi nder muuɗum'en, koo ɗeye fuu fodde asli muuɗum'en. Allah laari ɗum wooɗi.

Allah waɗi jayli mawɗi ɗiɗi: Jayŋgol ɓurŋgol mawnugo waato: Naaŋge, laami nyalawma, pamarol boo, waato: Lewru, laami jemma. O waɗi boo koode.

Allah wi'i: “Ndiyam les asama mooɓo nokkuure woore, haa joorɗum waŋga.” Non ɗum laatori. Allah inndi joorɗum lesdi, mooɓorde ndiyamji boo, o inndi ɗum mbeela. Allah laari ɗum wooɗi.

O barkiɗini ɗum, o wi'i: “Ndimndimne, ɗuuɗe, kebbine ndiyamji nder beeli, colli boo ɗuuɗa dow lesdi.”

Allah wi'i: “Lesdi wurtina asli dabbaaji fuu: Ɗi saare, ladooji, dabbaaji ɗi ladde, koo ɗume fuu fodde asli muuɗum.” Non ɗum laatori.

Allah wi'i: “Ndiyam heewira kuuje marɗe yoŋki, colli boo piira haa asama, haa dow lesdi” Non ɗum laatori.

Allah waɗi dabbaaji ladde fodde asli maaji e dabbaaji saare fodde asli maaji e ladooji fodde asli maaji. O laari ɗum wooɗi.