Popular Bible Verses from Čơdơ̆ng Phŭn 17

શેર કરો

Hlak Abram duapănpluh-duapăn thŭn, Yahweh pơƀuh rai kơ ñu hăng laĭ, “Kâo jing Ơi Adai Dưi Kơtang; hơdip tơpă hơnơ̆ng hăng hlo̱m ƀo̱m kơ Kâo bĕ!

Anăn ih ƀu djơ̆ Abram dơ̆ng tah, samơ̆ anăn ih či jing Abraham, yuakơ Kâo či pơjing ih jing hĭ ama kơ lu kơnung djuai mơnuih.

Kâo či djă̱ kơjăp tơlơi pơgop Kâo kar hăng sa tơlơi pơgop hlŏng lar tŏng krah Kâo hăng ih laih anŭn hăng ƀing kơnung djuai ih tơdơi kơ ih truh kơ hơdôm rơnŭk pơanăp. Kâo či jing Ơi Adai kơ ih laih anŭn kơ ƀing kơnung djuai ih tơdơi kơ ih kơkuh pơpŭ.

“Gah kơ Kâo, anai jing tơlơi pơgop Kâo hăng ih: ih či jing ama kơ lu kơnung djuai mơnuih.

Samơ̆ Ơi Adai laĭ glaĭ, “Ơ djơ̆ yơh, samơ̆ bơnai ih HʼSarah yơh či tơkeng kơ ih sa čô ană đah rơkơi laih anŭn ih či pơanăn ñu Isa̱k. Kâo či djă̱ pioh tơlơi pơgop Kâo hăng ñu kar hăng tơlơi pơgop hlŏng lar hăng ƀing kơnung djuai ñu tơdơi kơ ñu nanao. Anŭn jing sa tơlơi pơgop hlŏng lar yơh.

Abih bang anih lŏn Kanaan jing anih ih hlak dŏ jing tuai anai, Kâo či brơi kơ ih, kơ ƀing kơnung djuai ih jing ƀing tơdơi kơ ih lŏn anai yơh jing anih hlŏng lar kơ ƀing gơñu, laih anŭn Kâo či jing Ơi Adai kơ ƀing gơñu yơh.”

Abraham akŭp tơkui trŭn ƀô̆ ñu sŏ̱ truh pơ lŏn, samơ̆ ñu čơdơ̆ng klao tơdang ñu pơmĭn amăng pran jua ñu pô, “Sa čô tha sa-rơtuh thŭn laih ăt či dŏ hơmâo ană mơ̆n hă? Tơdang anŭn HʼSarah duapănpluh thŭn laih, ñu ăt či dưi hơmâo ană mơ̆n hă?”

Ơi Adai ăt pơhiăp hăng Abraham, “Gah kơ HʼSarai bơnai ih anŭn, ih ƀu či iâu gơ̆ HʼSarai dơ̆ng tah; anăn ñu či jing HʼSarah yơh.

Ƀing gih khŏm khăt klĭ ƀơi rĭm đah rơkơi laih anŭn anai yơh jing sa gru kơnăl kơ tơlơi pơgop tŏng krah Kâo hăng ƀing ih.

Samơ̆ Kâo či djă̱ pioh tơlơi pơgop Kâo hăng ană ih Isa̱k, jing pô HʼSarah či tơkeng rai kơ ih ăt ƀơi bơyan anai mơ̆n amăng thŭn anăp anai.”

Kơ rĭm rơnŭk pơanăp, ƀing gih khŏm khăt klĭ ƀơi rĭm ană đah rơkơi čơdơ̆ng mơ̆ng ñu hơmâo sapăn hrơi, wơ̆t hăng rĭm ƀing hlŭn hơmâo tơkeng rai amăng sang anŏ gih ƀôdah hơmâo blơi mă laih mơ̆ng ƀing tuai jing ƀing ƀu djơ̆ kơnung djuai gih mơ̆n. Rĭm čô amăng ƀing hơmâo tơkeng rai mơ̆ng sang anŏ gih ƀôdah blơi mă hăng prăk, ƀing gơñu khŏm tŭ tơlơi khăt klĭ. Tơlơi pơgop Kâo ƀơi drơi jan gih či jing tơlơi pơgop hlŏng lar yơh.