Popular Bible Verses from Čơdơ̆ng Phŭn 15

શેર કરો

Abram đaŏ kơ Yahweh, tui anŭn yơh Yahweh yap kơnăl kơ gơ̆ jing mơnuih tơpă hơnơ̆ng.

Giŏng kơ anai, Abram hơmâo tơlơi pơƀuh hăng hơmư̆ Yahweh laĭ kơ ñu, “Anăm huĭ ôh, Ơ Abram. Kâo jing khiơl pơgang kơ ih laih anŭn Kâo brơi kơ ih gơnam bơni prŏng biă mă.”

Yahweh ba Abram pơ gah rơngiao hăng laĭ kơ gơ̆, “Lăng bĕ pơ khul adai adih laih anŭn yap bĕ khul pơtŭ anŭn tơdah ih dưi yap ƀing gơñu.” Yahweh laĭ dơ̆ng, “Hơnŭn yơh, kơnung djuai ih či jing lu kar hăng anŭn mơ̆n.”

Giŏng anŭn, ñu hơmư̆ Yahweh pơhiăp hăng ñu dơ̆ng, “Hlŭn ih Eliezer anai ƀu djơ̆ jing pô tŭ mă kŏng ngăn ih ôh, samơ̆ sa čô ană či rai mơ̆ng drơi jan ih pô yơh jing pô tŭ mă kŏng ngăn ih.”

Yahweh laĭ kơ ñu, “Brơi kơ ih thâo sĭt nik bĕ, ƀing kơnung djuai ih či jing hĭ ƀing tuai amăng lŏn čar arăng; arăng či pơjing hĭ ƀing gơñu jing ƀing hlŭn pơ anŭn laih anŭn arăng či kơtư̆ juă ƀing gơñu amăng 400 thŭn.

Samơ̆ Abram laĭ glaĭ, “Ơ Yahweh Dưi Kơtang, hơget ih dưi brơi kơ kâo lĕ, tơdang kâo ƀu hơmâo ană ôh, laih anŭn pô tŏ tui kâo jing Eliezer mơnuih mơ̆ng Damaskus?”

Ƀơi hrơi anŭn Yahweh pơjing sa tơlơi pơgop hăng Abram hăng laĭ, “Kâo brơi kơ abih bang kơnung djuai ih lŏn anai, čơdơ̆ng mơ̆ng ia krong čar Êjip hlŏng truh pơ krong prŏng Huphrat

Tơdơi kơ rơnŭk tal pă̱, kơnung djuai ih či wơ̆t glaĭ pơ anih anai; Kâo ƀu puh pơđuaĭ hĭ ôh ƀing Amôr yuakơ tơlơi soh sat ƀing gơñu aka truh tơl hơnơ̆ng pơkă či tŭ mă tơlơi phak pơkra ôh.”