Popular Bible Verses from KALATE METATAʼA 17

શેર કરો

1 Eyoñ Abram a nga kui mimbu 99, Nti a nga jô nye na: Me ne Zambe a ne Ngul Ese. Wuluʼu ôsu viam a boʼo zôsôôô.

Ba ye bo te beta loone wo na Abram, ve jôé dôé da ye bo na Abraham, amu ma bo wo ésaa jama meyoñ .

Ma ye bo élate jam a wo a e mvoñe bôte jôé e mvuse jôé, ja ye bo élat é too nnôm éto, a amu élate te, ma ye bo Zambe wôé a nyô memvoñ me bôte môé e mvuse jôé.

E mfaʼa wom, élate jam a wo e nje ji; wo ye bo ésaa jama meyoñ .

Ve Zambe a nga jô na: E nne foʼo na Sara minga wôé a ye biaé wo monafam; wo ye yôlé nye jôé na Izak. Ma ye bo élate jam ane ji é too nnôm éto a nye a e mvoñe bôte jé e mvuse jé.

Ma ye ve wo, a memvoñ me bôte môé e mvuse jôé, si e nje éte ô ndôme zu bo ntabe , si Kanaan ése, é bo éjôé nnôm éto a ma ye bo Zambe wop.

Ane Abraham a nga ku asu e butu si; a nga woé a jô e nleme wé été na: Ye monafam a ye bialé be fam é ntoo mimbu 100? Nalé fe Sara, mimbu 90, ye a ye biaé?

Zambe a nga beta jô Abraham na: E mfaʼa di da fombô minga wôé Sarayi, wo ye bo te beta loone nye na Sarayi, ve jôé dé da ye bo na Sara.

Mia ye tyiʼibane metyel ane ndem élat e zañe jenan a ma.

Ve di da fombô élate jam ma ye bo je a Izak Sara a ye biaé wo aval éyoñe di e mbu wo zu.

Nnôm ase ya be mia a ye tyiʼiban atyel éyoñ a ntoo melu muam, e miaé mienan mise, toʼo a nga bialé e nda été, toʼo a nga kuseban a moné e be nneñ a nji bo e mvoñe bôte jôé. Ba yiane tyiʼi nyô a nga bialé e nda jôé atyel, nalé fe nyô a nga kuseban a moné wôé. Da ye bo e minsône mienan été, ndem élate ya nnôm éto.