Popular Bible Verses from Simuluho 4

શેર કરો

Kambe n'o ezize hande, kambe wa menya. Kono kakuli u ezize ze maswe, sibi si swana ni sibatana se si ku bubamezi, si litezi ku ku tula. Si bata ku ku busa, kono u swanezi ku si tula.”

Seta a pepa mwana wa mushimani mi a mu beya libizo la Enoshi. I n'e li ka yona nako yeo batu ha ba kala ku lapela libizo la Muñ'a Bupilo.

Muñ'a Bupilo a buza Kaine, a li, “Munyan'a hao Abele u kai?” Yena a alaba, a li, “Ha ni zibi. Kana ki na ya lukela ku tokomela munyan'a ka, nji?”

Cwale Muñ'a Bupilo a li, “Kiñi ha u ezize nto ye maswe cwana? Ni lilelwa ki mali a munyan'a hao fafasi.

Kono Muñ'a Bupilo a mu alaba, a li, “Batili. Mañi ni mañi ya ta bulaya Kaine u ta fiwa mulatu o ekelizwe hasupile kwa butuna.” Cwalehe Muñ'a Bupilo a beya liswayo fa pata ya Kaine, kuli mañi ni mañi ya ta katana ni yena a si ke a mu bulaya.