Popular Bible Verses from Jǎan 15

શેર કરો

“Nyɛ wɛ nyí vǐwuntín dodó ɔ́, bɔ midɛɛ lɛ́ɛ ka nyí ala lɛ́ɛ. Mɛ e ɖo nyɛ mɛ, bɔ nyɛ lɔ ka ɖo éyɛ́ mɛ ɔ́, é ná sɛ́n gěgé. Đó nyɛ mɛ vo ɔ́, mi sixú kpé nǔ ɖěbǔ wú bo wa ǎ.

Mi nɔ nyɛ mɛ, lě e nyɛ ɖo mi mɛ ɔ́ ɖɔhun, ɖó vǐwuntín sín ala sixú sɛ́n é ɖóɖó, ma nɔ vǐwuntín dodó ɔ́ wú ǎ; mɔ̌ ɖokpó ɔ́, mi lɔmɔ̌ mi ma nɔ nyɛ mɛ ǎ ɔ́, mi sixú ná sínsɛ́n ɖěbǔ ǎ.

Ényí mi nɔ nyɛ mɛ, bónú xó ce lɛ́ɛ jínjɔ́n ayi mɛ nú mi ɔ́, mi byɔ́ nǔ e jló mi ɔ́, mi ná mɔ yí.

Mi wɛ sɔ́ mì ǎ; lo ɔ́, nyɛ wɛ cyán mi, bó sɛ́ mi dó gbɛ ɔ́ mɛ, bónú mi ná sɛ́n, bó gba kún káká sɔ́yi; énɛ́ ɔ́, mi byɔ́ nǔ ɖěbǔ Tɔ́ ɔ́ ɖo nyǐkɔ ce mɛ ɔ́, é ná ná bǐ mi.

Wǎn yíyí nú mɛ ɖě sɔ́ hú è sɔ́ gbɛ mɛɖée tɔn dó sá vɔ̌ dó xɔ́ntɔn mɛtɔn lɛ́ɛ tamɛ ǎ.

Ala ɖěbǔ ɖo wú ce, bó ma nɔ ná sínsɛ́n ǎ ɔ́, tɔ́ ce nɔ sɛ́n síin; ée ka nɔ́ ná sínsɛ́n ɔ́, é nɔ́ jlá ala tɔn lɛ́ɛ bónú é ná sixú lɛ́ sɛ́n d'é jí.

Sɛ́n ce ka ɖíe: mi yí wǎn nú miɖée, lě e un yí wǎn nú mi gbɔn é.

Ényí mi ná sínsɛ́n gěgé ɔ́, susu wɛ é ná nyí nú Tɔ́ ce, bɔ mi ná nyí ahwanvú ce.

“Nyɛ wɛ nyí vǐwuntín titewungbe ɔ́, bɔ Tɔ́ ce ka nyí vǐwunglejíkpɔ́ntɔ́ ɔ́.

Mɛ e ma ɖo nyɛ mɛ ǎ ɔ́, Mawu nɔ sɔ́ ɛ nyi gbě lě e è nɔ sɛ́n atínla, bɔ yě nɔ xú, bɔ è nɔ bɛ́ kɔn nyi myɔ mɛ, bɔ yě nɔ ji zo é ɖɔhun.

“Un ɖɔ mɔ̌ nú mi, bónú xomɛ ní hun mi, lě e xomɛ nɔ hun nyɛ gbɔn é, bónú awǎjijɛ mitɔn ɔ́, nǔ bǐ ní vɔ ɖ'é wú.

Ényí mi nyi sɛ́n ce lɛ́ɛ ɔ́, mi ná nɔ wǎn yíyí ce mɛ, lě e nyɛ nyi Tɔ́ ce sín sɛ́n lɛ́ɛ, bó ɖo wǎn yíyí tɔn mɛ ɔ́ ɖɔhun.

Nǔ e zɔ́n mi wɛ un ɖe ɔ́ wɛ nyí ɖɔ mi ní ɖó wǎn yíyí nú miɖée.”

Ényí gbɛ ɔ́ tɔn wɛ mi nyí ɔ́, mɛ e nyí gbɛ ɔ́ tɔn lɛ́ɛ na ko yí wǎn nú mi. Lo ɔ́, nyɛ cyán mi, bó ɖe mi sín gbɛ ɔ́ mɛ, bɔ mi sɔ́ nyí gbɛ ɔ́ tɔn ǎ; énɛ́ ɔ́ wútu wɛ mɛ e nyí gbɛ ɔ́ tɔn lɛ́ɛ gbɛ́ wǎn nú mi.