Popular Bible Verses from Jǎan 12

શેર કરો

Mɛ ɖé jló ná nyí mɛsɛntɔ́ ce hǔn, mɛ ɔ́ ní xwedó mì, bɔ fí e un ná nɔ ɔ́ wɛ é lɔmɔ̌ ná nɔ. Ényí mɛɖé nyí mɛsɛntɔ́ ce ɔ́, Tɔ́ ce ná sɔ́ mɛ ɔ́ su.”

Mɛ e yí wǎn nú gbɛ éɖée tɔn ɔ́, gbɛ tɔn ná bú dó e; mɛ e ka gbɛ́ wǎn nú gbɛ éɖée tɔn ɖo gbɛ mɛ fí ɔ́ ná hɛn gbɛ tɔn ɖ'ayǐ nú gbɛ mavɔ mavɔ.

Ma ɖɔ nǔgbó nú mi, ényí jinukún má yi do bó kú ǎ ɔ́, é nɔ ná nǔkún ǎ; kú wɛ é nɔ́ kú, cóbó nɔ gba kún.

Nyɛ ɔ́, un wá gbɛ ɔ́ mɛ wěziza ɖɔhun, bónú mɛ e ɖi nǔ nú mì ɔ́ ma nɔ zǐnflú mɛ ó.

Ényí mɛɖé se xó ce, bó ma bló ɖ'é jí ǎ ɔ́, nyɛ wɛ ná ɖó hwɛ n'i ǎ, ɖó un tɔ́n hwɛ ɖó nú mɛ gbé bó wá gbɛ ɔ́ mɛ ǎ; gbɛ ɔ́ hwlɛngán gbé wɛ un ja bó wá.

Mali ka sɔ́ célu axivɛ́nu lǐtli vlɔ́, bɔ è sɔ́ nǎ akú dó bló ná, lobo kɔn dó afɔ tɔn lɛ́ɛ jí, bó dɔn ɖa tɔn dó súnsún ná, bɔ célu ɔ́ sín wǎn gba kpé xwé ɔ́ gbe bǐ.

bɔ yě ba děma hɛn alɔ mɛ, bo ɖo xó sú wɛ káká bo yi kpé e; bo nɔ ɖɔ: “Ozána! Susu nú Mawu! Susu nú mɛ e jǎwe ɖo Aklúnɔ nyǐkɔ mɛ é: susu nú axɔ́sú Izlayɛ́li tɔn.”

Jezu ka yí gbe nú yě ɖɔ: “Hwenu e è nǎ sɔ́ Gbɛtɔ́ví ɔ́ su ɔ́ sín gan ɖíe xo lo e.