Popular Bible Verses from Jean 6

શેર કરો

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Ndil á ade doo ndi kumgajer. Doo se dè ra’n ase ra nyan karé lé. Tàge ke man m’ede sei nga in ra Ndil’t. E tàge nè á à ade a i ndii kumgajer.

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Tede mapa ke ade dooge ke dè nang nè ndii kumgajer nga, è mapa ke in danrán ra Nube’t.

Mapa ndikumgajer nga è man.

Jésu ɔi mapa nè nga, ra Nube oiyo pa ɓita ade njékuwe-girnge noboi dooge ke ndii nang rip-rip ɓai. Kanje géa è ra titeke bè tɔ ɓita nobo de ade d’use titeke kêm de ndige. Loo ke dooge usei nyan ndanni ɓá ɓaa, Jésu ede njékuwe-girnge ede nè: – I tanni gute nyon-nyon mapa ke nain le kade karé géa tuju lé.

Loo ke d’aw dann ba’t bɔp, ase kurloo mi éké mute-mutege bè ɓaa, d’an Jésu njiye dè ba’t ree ngɔr se bato. Ɓel unde de ndàt gang de. Nè Jésu ede de ede nè: – Ebi’t ɓel, è man kuwe.