Popular Bible Verses from Bǐbɛ́mɛ 9

શેર કરો

Mawu lɛ́ ɖɔ: “Akɔ e un jɛ xá mi ɔ́, nǔ e ná ɖe xlɛ́ nyi kpó mi kpó, kpódó nǔ e ɖo gbɛ ɖo ayǐkúngban jí lɛ́ɛ bǐ kpó káká sɔ́yi ɔ́ ɖíe: Un sɔ́ nyǐ ce ɖó akpɔ́kpɔ́ mɛ bɔ é ná nyí akɔ e un jɛ xá mi ɔ́ sín wuntun ɖo nyɛ kpó gbɛ ɔ́ kpó tɛ́ntin.

Nyǐ ɔ́ ná ɖo akpɔ́kpɔ́ ɔ́ mɛ, bɔ un nǎ nɔ́ mɔ, bɔ é ná nyí flǐn nú mì nú akɔ e un jɛ xá mi bó jɛ xá nǔ e ɖo gbɛ ɖo ayǐkúngban jí lɛ́ɛ bǐ káká sɔ́yi é.”

Nyɛ Mawu bló gbɛtɔ́ bɔ é nyí akpajlɛ́ ce; énɛ́ wú ɔ́, mɛ e kɔn gbɛtɔ́ sín hun kɔn nyi ayǐ ɔ́, gbɛtɔ́ wɛ ná kɔn hun tɔn kɔn nyi ayǐ.

Mawu xo ɖɛ dó Nɔwée kpódó vǐ tɔn lɛ́ɛ kpó jí, bó ɖɔ nú yě ɖɔ: “Mi gba kún, mi ji gba, bó kpé ayǐkúngban ɔ́ bǐ jí.

Nǔ e kó sixú nɔ́ dán wǔ ɖo ayǐkúngban ɔ́ jí, bó ɖo gbɛ lɛ́ɛ bǐ wɛ ná nyí nǔɖuɖu nú mi. Un ná nǔ énɛ́ lɛ́ɛ bǐ mi lě e un ko ná gběhan mi gbɔn é.

Kanlin e ɖo ayǐkúngban jí lɛ́ɛ, xɛ lɛ́ɛ, nǔ e kó nɔ́ sá gbɔn kɔ́ mɛ lɛ́ɛ kpó hweví lɛ́ɛ kpó bǐ ná nɔ́ ɖi xɛsi nú mi. Yě ɖo alɔ mitɔn mɛ.

Midɛɛ lɛ́ɛ ɔ́, mi gba kún, mi ji gba, mi ji kpé ayǐkúngban ɔ́ bǐ jí.”