Popular Bible Verses from San Lucas 5

શેર કરો

Uperire oñemoñeêmbama ramo, jei Simonpe: Ejekyi catu ŷ mbytepe, ja pembogueyŷ pende pyjá penôjê jaguâ pirá.

Ja jei Simon: Che caraí, rombaapo angué pyjaré pucu cue ja noroguênojêi mbaeve. Upeicharamo yepe, neñeê reje amuasâita che pyjá. Ja ombogueyŷ vove ipyjá oñembotŷ voí pypé jeta eterei pirá omondoro jaguâicha yepe pe ipyjá.

Ja Jae voí oyepea ichugui cuera pe ñû oyeicoŷjape oñemboe jaguâ.

Che ndayui ajenôivo umi imarangatúvape oñembo jeco pyajú jaguâ, umi iñangaipávape nte.

Ja ojecha ramo upéva Simon Pedro oñesû Jesúspe ja jei: Eyeínte chejegui, che Yara, che nico angaipavóra che.

Upei catu Jesús jei ichupecuera: Ndajaei umi jesâiva oicôtevêva oporopojânôjára reje, umi jasŷvante.

Upei catu ogueru ramo ybype imbayru jaecuera ojeyapá imbae ja ojo japycueri jeseguarâ.

Uperire pe ára ambuepe oi pype jina peteî tetâme oime upepe peteî cuimbae iyaípáva pe mbaasy Lepra gui ja ojechama ramo Jesúspe oñesû Ichupe ovapŷvo ja oyerure Ichupe jeivo: Che caraí, reipota ramo, Nde puaca voí che mopôti jaguâ. Upei catu Jae oipyso ipo ja opoco jese ja jei: Che aipota! Ta nepôtí! Ja upevove ocañŷmba ichugui pe Lepra iyaíjá

Upeicharamo yepe, oñemuasâive meme ojovo jêrâcuâ Ichugui, ja oñembyatŷ jeta ybypóra ojendu jaguâ Ichupe ja oñemojesâiucá jaguâ imbaasy gui cuera.