Popular Bible Verses from SAN JUAN 12

શેર કરો

Te nú nduú ndisa‑ne iin ana xinúcuáchí nùí, dandu ni cúnchícùn‑nè yùhù, te ndéni nì cui ni sáì, yucán icúmí sàà stná nècuàchìmà cutnahá‑né xìˊ. Te nsidaa ana xinúcuáchí nùí, icúmí Yuamánìˊ quidañuhu‑yánè.

Pues ducán iá stná xì vida xi nèhivì. Nú cuhí gà ini‑nè vida xi‑ne ñuhìví yohó, dandu icúmíâ ndañuhu dahuan. Doco nú có‑cùhí ini‑nèà, dandu nicanicuahàn cucumi‑né vida ndiaha.

Cunini‑nsia palabra ndàcuisì yohó: nú (cuhí ini‑ndà) iin nùnì, te sàhámà có‑chìhì‑ndàñá, dandu imindaa nùnì cundua nicanicuahàn. Doco nú sànì chihi‑ndañá, dandísá icúmíâ nducuahàˊ.

Cunaha‑nsiá, sàhà‑ñá datnúì nùù nèhivì ichì cùhùn‑nè, ñàyùcàndùá nì quesaì ñuhìví yohó, dandu nsidaa ana xiníndísâ xí, mà cácá gá‑nè ichì ñáa.

Te nú cundáà ini iin nèhivì ñà‑ndùá cachíˋ, te có‑chîvàha‑neà, dandu icúmí ndundaà sàhà cuàchi‑ne, te nìhì‑né castigu. Doco màdì yùhù icúmí nsidandaà xì sàhà‑né. Còó, vàchi màdì sàhà‑ñá dandohí nèhivì nì quesaì ñuhìví yohó. Còó; sàhà‑ñá càcu‑ne nì quesaì. Divi palabra sànì cachì icúmí nsidandaà sàhà cuàchi nèhivì cahíchì inì‑xi, te có‑càndísâ‑né ñà‑ndùá cachíˋ. Icúmí palabra mà cachà nansa nìhì‑né castigu na sáà xìnu tiempu.

Daaní, nì sàà stná María yucán, nihí‑né dava litro ñà‑tnami nani nardo, finu cuàhà‑té, te yàhvi gà‑te. Te nì dàcùchí‑nète sàhà‑yá, dandu ni nacuaha‑nète xi idìdínì‑né. Te inicutu vehe nì nacutu dico tnami‑té.

Ñàyùcàndùá, nì sahnde‑nè ndahà nù‑ñúù, te nihí‑nènu nì quee‑ne cuàhàn‑nè dècuèndè ndé vàxi‑ya, cána ndee nsidaa‑né, cachí‑nè: ―¡Viva! ¡Ndiaha gá nècuàchì yohó, vàchi cuenta xi Stoho‑ndà Señor vàxi‑ne! ¡Ndiaha gá‑nè, vàchi cuàhàn‑nè cusahnú‑né nùù ñuu‑ndà Israel!

Dandu nì naxiconihí‑yá nùù‑né, cachí‑yà: ―Vichi sànì sàà quìvì nanihìˊ tnùñuhu ndiaha xí, divi yùhù ana nduú Tnaha Nèhivì Ñuhìví.