Popular Bible Verses from San Juan 19

શેર કરો

Idi maramanan ni Jesus ti suka, kinunana, “Natungpalen.” Nagdumog ket natayen.

Ammo ni Jesus a nalpas aminen. Tapno matungpal ti kuna ti Nasantoan a Surat, kinunana, “Mawawak.”

Idi makita ni Jesus ni inana ken ti adalan a dinungdungngona, kinunana ken ni inana, “Babai, adtoy ti anakmo.” Kinunana met iti adalan, “Adtoy ti inam.” Iti dayta nga oras, inyawid ti adalan ni Maria tapno agtaeng iti balayna.

Ngem idi dumtengda ken ni Jesus, nakitada a natayen isu a didan tinukkol dagiti sakana. Nupay kasta, induyok ti maysa kadagiti soldado ti pikana iti bakrang ni Jesus, ket dagus a pimsuak ti dara ken danum. (

Naaramid daytoy tapno matungpal ti kuna ti Nasantoan a Surat: “Awanto ti uray maysa a tulangna a matukkol.” Kuna pay ti sabali, “Kitaendanto ti dinuyokda.”

Rimmuar a sibabaklay iti krusna ket dimteng iti disso a managan “Lugar a yan ti Bangabanga.” (Iti Hebreo: “Golgota.”)

Nangaramid dagiti soldado iti korona a siitsiitan sada inkabil iti ulona. Kinagayanda iti kolor-ube ket inasitganda.