Popular Bible Verses from San Juan 13

શેર કરો

“Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo. No agiinnayatkayo, maammoanto ti amin a tao a dakayo dagiti adalak.”

Ngarud, no siak nga Apo ken Maestroyo, binuggoak dagiti saksakayo, rebbengyo met ti agbibinnuggo iti saka. Inikkankayo iti pagtuladan tapno aramidenyo met ti inaramidko kadakayo.

“Saanmo pay a maawatan ita no ania ti ar-aramidek, ngem maawatamto met laeng,” insungbat ni Jesus.

Ibagak ti pudno kadakayo: Saan a natantan-ok ti adipen ngem ti apona. Saan met a natantan-ok ti naibaon ngem ti nangibaon kenkuana.

Ita, ammoyon daytoy a kinapudno. Nagasatkayo no aramidenyo!

Iti kasta, timmakder ni Jesus iti panganan ket inikkatna ti kagayna sa nangibarikes iti tualia. Kinargaanna ti maysa a palanggana iti danum ket binuggoanna dagiti saksaka dagiti adalan sana pinunasan ida iti imbarikesna a tualia.