Popular Bible Verses from SAN MATEO 27

શેર કરો

Ex chuncha anchanu hora va pꞌaysni tꞌasal ni Jesús, va naul: —Eli, Eli ¿lema sabactani? (va naunputun: “KiDios kꞌatꞌi, kiDios kꞌatꞌi, ¿valiꞌiycha ni kꞌilakꞌamakꞌauntꞌacha?”)

Ex chuncha va taꞌexpakltꞌiyul yu xaꞌay kortina ni ay lakatajtan, va taꞌexminchal xꞌakpuꞌ tus xtuntaun. Vachu xkapꞌiknil ni lakatꞌun y tatampacheꞌeꞌol yu ay chiyux. Vachu lati yu putaknun va talaqltiꞌaꞌol y pumalhuvaj ixlapanakni Dios va takujchoqol la ixlhininkꞌan.

Taval aaqtaun tꞌasachoqol ni Jesús, ex va nilcha.

Yu kapitan kun yu ixtropas yu ixtalhistakta ni Jesús va talaqtsꞌil y taꞌukskꞌatsal ni xkapꞌikniti y talaqtsꞌil tachun yu ixtꞌajun tapasanaꞌ. Ex tus ayaj tatalhanal, va tanaul: —¡Laqsaval ni aniy joꞌati va Sasꞌatꞌa Dios ixjunita!

Ex atunkuj va aqtaynil putsꞌisa, y taylhaꞌal tus laꞌatꞌutu putoqoxata ixputsꞌista.

Ex yu gobernador va laklhisakmichoqol, va naul: —¿Ex tisuncha kakmakayacha kun ni Jesús, yu junkan Cristo? Ex va taqaltayanal, va tamatꞌasal: —¡Kamakxtukmukꞌakal laka kurus! Pero yu Pilato va lakjunchoqol, va naul: —¿Tisuncha laqtaqal makata? Pero ni yuꞌuncha aaqtalaqtaun tamatꞌasachoqol, va tanaul: —¡Kꞌamakxtꞌukmukꞌacha laka kurus!