Popular Bible Verses from Génesis 26

શેર કરો

Jaꞌ tinaniꞌ watxꞌ ja we bꞌey jun conobꞌ tiꞌ, ey jin cꞌal ecꞌ ja wetoj, catuꞌ oj wakꞌon cꞌal jin yaxilal ey jaach, yutol jaꞌ masanil jun txꞌotxꞌ tiꞌ oj wakꞌ ey jaach cꞌal tet masanil ebꞌ ja wicꞌaal, yet watxꞌ chi eloc masanil jaxca jix yun walon can tet naj ja mam, jaꞌton Abraham.

Oj wakꞌ chꞌibꞌ sbꞌisil ebꞌ ja wicꞌaal jaxca weycan bꞌey satcan, catuꞌ oj wakꞌon masanil jun txꞌotxꞌ tiꞌ ey jaach. Yetoj pax oj, yu cꞌal ebꞌ ja wicꞌaal tuꞌ, catuꞌ oj ẍaꞌon masanil jin yaxilal ebꞌ conobꞌ. Yutol jaꞌ Abraham jix sjije masanil tzet jix walaꞌ, jix sjije masanil jin chejbꞌanil, cꞌal jin ley, yetoj cꞌal cuybꞌanile jix wal tet naj, ẍi Jehová tet Isaac.

Yu jaxca tuꞌ, yuxan naat jix too caey naj Isaac. Jaꞌ tituꞌ jix sjot pax junxa kꞌobꞌ jaꞌ ebꞌ, cꞌamxa mactxequel jix yakꞌle jowal yin jaꞌ tuꞌ, yuxan jaꞌ “Jajbꞌil Eloj” jix yij can sbꞌi yu naj Isaac. Jajbꞌil jin el yu Jehová yet chin jobꞌon jin bꞌa titiꞌ, ẍi naj.

Jaꞌ tituꞌ jix xꞌox sbꞌa Jehová tet naj, jix yalon jaxca tiꞌ: Manche jaach too bꞌey Egipto, canan cꞌal bꞌey chi wal ey jaach tiꞌ.

Jaꞌ naj Isaac tuꞌ, jix swaꞌne a jun yet xaambꞌal tituꞌ, jix oc yin eyilal tet Jehová. Jaꞌ tituꞌ jix caey ecꞌ ebꞌ. Jaꞌ ebꞌ yakꞌomal servil naj jix sjoton pax junxa kꞌobꞌ jaꞌ ebꞌ.