Popular Bible Verses from Mateo 24

શેર કરો

As ti' uva' mama'la va'lexh la ib'an vatz u tx'ava'e', as nimal uxhchil ye' la ixo'ni ve't tib' svatzaj. Pet ab'il uva' ye' la iya'sa inimat in, k'uxh kam kuxh k'axk'o la ipaleb'e, as a'e' uva' at itiichajil k'atz u Tiixhe'.

As lanal paxsal unq'a b'a'nla yole' tulaj unq'a tename' skajayil ti' uva' at u tename' jaq' u tijle'm u Tiixhe'. As la sotz ve't u vatz tx'ava'e' skajayil.

As la etab'i ve't yol ti' unq'a ch'a'oe' uve' la uchi as ti' uva' la xe't ve't ch'a'o. Pet atoj enachb'al aq'al uva' ye' la xo'v ex, tan techal chit la ib'ane'. As tul la uch ve't unq'a vee' ni val sete, as ye'xnaj ilejat u q'iie' ti' itzojpisal uva' k'ujlu kan

tan lanal ib'an unq'a nimla tename' ch'a'o svatzaj. As lanal ib'an unq'a ijlenaale' ch'a'o tuk' uma't ijlenaal. As mama'la ch'o'm la tijma ve't unq'a uxhchile'. As mama'la va'y la ib'ane'. As katil kuxh la ib'ankat kab'laano. As ixe'teb'al kuxh unq'a k'axk'oe' uva' txumleb'al chit la ib'ane'.

tan la pal u almika'e' tuk' u vatz tx'ava'e'. Pet ech koj vunyole', tan a' chite' ye' la pali.

tan nimal unq'a chulin yole' la ul tuk' vunb'iie'. As la ul tale' uva': «Ine' u Cristo,» chaj la tale'. As nimal unq'a uxhchile' la isotzsa ik'u'l.

As la eq'olo'k ex vatz unq'a b'ooq'ol tename'. As mama'la k'axk'o la epaleb'e. As at ex la yatz'pu ve't ex, tan nimal chit unq'a uxhchile' la ixvan ex ti' uva' k'ujle'l ek'u'l svi'. As nimal unq'a uxhchile' la teesa kan tib' svi'. As la kuxh ixoch tib' svatzaj. As la ichi'ansa tib' taama svatzaj. As nimal unq'a uxhchile' la toksa ve't tib' q'ajsan tetz viyol u Tiixhe' uve' la tale'. As nimal ve't unq'a uxhchile' la isotzsa ik'u'l.

Ech tal ve't u Jesús ile': —Atoj chit enachb'al vatz unq'a chulin yole' aq'al uva' ye' la maxtib'el ex

Esti'e' ni val sete, eb'antaj chit etuche', tan a' chite' ye'l sek'u'l tul uva' la ul VIK'AOL U NAJE'.

Esti'e' ni val sete, atoj enachb'al, tan ye' etootza kam oora la ul in, in uva' in veB'ooq'ole'.

Ye'xheb'il ootzin tetz uva' kam q'iil as kam oora la ib'ane'. As mita'n unq'a ángel tu almika'. Pet ta'n kuxh vunB'aale' ootzin tetz.

Tan at uxhchil la ul alon sete uva': «Ine' in Cristo» as moj «Ine' in q'ajsan tetz viyol u Tiixhe',» chaj la tal sete. As la ib'an unq'a chulin yole' tetz eche' unq'a k'uchb'al tetz viyak'il u Tiixhe', uva' la teq'o taama unq'a tename' sti'. As la imaxtib'e unq'a chulin yole' unq'a tename'. As la koj uchi, as ante' unq'a itenam Aake' uve' txaael ta'n Aak la maxtib'eli.

Tan kam chit uva' kat ib'an unq'a tename' tul uva' atik u Noé vatz u tx'ava'e', as echat chit tuk ib'ane' tul la ul in unpajte, in VIK'AOL U NAJE', tan tul uva' b'iitik kuxh tul u mam jab'ale' ti' unq'a tename', as nikat itx'a'n unq'a tename' as nikat tuk'a'. As nikat teq'o tib' tuk' tixqel. As ech kuxh nikat ib'an unq'a tename' tul kat ex ilej u q'iie' uva' kat ok u Noé tu u barco. As ye' nik titz'a unq'a tename' uva' la ul u k'axk'oe' sti'. Pet ul ve't u mam jab'ale'. As kam ve't unq'a tename' skajayil. As echat chit tuk ib'ane' tul la ul in unpajte, in VIK'AOL U NAJE'.