Popular Bible Verses from Naṉ. 9

શેર કરો

Nekas tajai tusan yamaikia Winia tuntíakrun yuraṉminiam awajeajai. Atumji̱a̱i̱ nútiksanak ashí yajasmaja̱i̱sha winia chichamprun nájaneaj jú̱naka peṉké yapaji̱áshtiniaitjiai, tajai.

Warí tuntíak yuraṉminiam wajaamtai Wi íistatjai túran Wi chichaman tuke átinian ashí iwiaaku ainia nuja̱i̱ nájanaj nuna enentáimtustatjai.

Kame aentska Wiya áantiaku najanachmakait. Tuma asamtai shuar chikichan mámtaiṉkia nisha mantamnatniuiti.

Yus Nuwain uchirtiuk péṉker pujutnum yúmiṉkiak chicharuk “Tí nukap pampaṉkrum ataksha nuṉká piaktarum.

Kame ashí árak ainia nu yuátarum tímiajrumna nútiksanak yamaikia ashí namaṉ ainia nunasha yúatniun tsaṉkateajrume.

Ashí nuṉkanmaya̱ yajasman nanamtinniasha, nuṉká japinias yujá ainia nunasha tura entsaya̱ ainia nunasha nupetkatniun tsaṉkatkaitjiarme. Tuma ásar atumín ashampramin ártatui.

Tura atumsha tí nukap pampaṉtarum túrarum ashí nuṉkanam piaktarum” tímiayi Yus.