Popular Bible Verses from Acakki 1

શેર કરો

Lubaŋa owacci, “Weku wacweyu dano ma gical ki wan; wek gin aye gulo rec ma i nam, ki winyo me polo, ki lee ma paco, ki wi lobo ducu, gulo bene gin ducu ma lak alaka wi lobo,” Lubaŋa ocweyo dano i Kit calle kikome; ocweyo laco ki dako.

Lubaŋa omiyogi gum kun wacogi ni, “Wunywal, wunya, wupoŋ lobo, wulo bene; dok wulo wa rec ma i nam, ki winyo me polo, ki gin ducu makwo ma giwoto i wi lobo.”

I acakki piny Lubaŋa oketo polo ki lobo.

Lobo onoŋo tye nono, onyobbe woko atata piny macol ocido wi kut matut, kun Cwiny pa Lubaŋa twago wi pii.

Lubaŋa owacci, “Wek leŋo obed tye”; ci piny obedo leŋ.

Lubaŋa oneno gin ma doŋ otiyo ducu, ci nen, tye mabeco twatwal. Piny oyuto dok piny oru, meno nino me abicelle.

Lubaŋa oneno leŋo ni ber; Lubaŋa opoko kin leŋo ki colpiny.

Lubaŋa owacci, “Nenu, amiyowu ginapita ducu ma nyako nyiggi ma tye i wi lobo ducu, ki yadi ducu ma nyako nyiggi fila kodi tye i igi; wubicamogi.

Lubaŋa olwoŋo leŋo ni Dyeceŋ, ki colpiny olwoŋo ni Dyewor. Piny oyuto dok piny oru, meno nino acel.

Lubaŋa owacci, “Wek pete orine i kin pii, me poko kin pii ki pii wadi.”

Dok lee ducu me tim, ki winyo ducu me polo, ki gin ducu ma lak alaka wi lobo, ma gitye ki kwo, amiyo botgi ginapita ducu madyak me bedo camgi”; ci otimme kit meno.

Lubaŋa owacci, “Wek gin ma ryeny obed i kom pete me polo me poko dyeceŋ ki dyewor, ki me bedo ginanena ma nyuto kare ki nino ki mwaka

Lubaŋa owacci, “Wek lum otwi i wi lobo, ki ginapita ma nyako nyiggi, ki yadi ma nyako nyiggi ma kodi tye i igi, macalo kit kwagi tye, i wi lobo”; ci otimme kit meno.

Ci Lubaŋa otiyo pete me poko pii ma tye piny i te pete ki pii ma tye malo i wi pete; ci otimme kit meno.

Lum ocako twi i wi lobo, ki ginapita ma nyako nyiggi i kit kwagi acel acel, ki yadi ma nyako nyiggi ma kodi tye i igi, macalo kit kwagi tye. Ci Lubaŋa oneno ni ber.

Lubaŋa oketo gin madito aryo ma giryeny, wek ma ryeny madit-te aye olo dyeceŋ, ki ma ryeny matidine olo dyewor; dok oketo lwak lakalatwe bene.

Lubaŋa owacci, “Wek pii ma tye i te polo ocokke, ogurre i kabedo acel, wek piny mutwo onen”; ci otimme kit meno. Lubaŋa olwoŋo piny mutwo ni Lobo, ki pii ma ocokke, ogurre kacel-li ni Nam; ci Lubaŋa oneno ni ber.

Lubaŋa omiyogi gum kun wacci, “Wunywal, wunya, wupoŋ pii ki nami, winyo bene gunya i wi lobo.”

Lubaŋa owacci, “Wek lobo onywal gin makwo i kit kwagi: lee ma paco, ki gin ma lak alaka, ki lee me tim macalo kit kwagi tye”; ci otimme kit meno.

Lubaŋa owacci, “Wek pii onywal gin makwo ma gicorre limuk, ki winyo bene gutuk lamalo i wi lobo i dan pete me polo.”

Lubaŋa oketo lee tim macalo kit kwagi tye, ki lee ma paco macalo kit kwagi tye, ki gin ma lak alaka piny i ŋom, macalo kit kwagi tye, Ci Lubaŋa oneno ni ber.