Popular Bible Verses from Johaneb 15

શેર કરો

“Tita ge ǂauxûiǂûhaita tsî sago ge ǂgonago. Tita ǃnâ ra hâ-i tsî tita ra ǁî-i ǃnâ hâ-i ge ǀoasase nî ǂûtani. Tita ose du kom xū-e a dī ǁoao.

Tita ǃnâ hâ, î ta tita sago ǃnâ hâ. ǂGonab ǁîb ǂûba xu draibehaib ǃnâb ga hâ tama io ǂûtani ǁoas ǁkhās khami go ge sago a ǂûtani ǁoa, tita ǃnâ go ga hâ tama io.

Xawe go ga tita ǃnâ hâ tsî ti mîde sago ǃnâ hâo, go ge ǂgao go ra xū-i hoa-e a ǂgan ǁkhā, o go ge nî māhe.

Sago ge tita ǃkhōǂuibasen tama hâ. Xawe ta ge tita sago ǃkhōǂuibasen tsî ge ǁgaumâi, ǃgû tsî go nî ǀoasase ǂûtanise, ǁnā ǂûǃnôa-i hîa nî hâhâ-e. Ob ge ti Îba ti ǀons ǃnâ go ra ǂgan xū-i hoa-e nî mā go.

Hoan xa kai ǀnammi hîats sa ǀhōsana ūhâba ǁkhāb ge sa ûiba ǁîn ǃaroma māsa.

ǁÎb ge mâ ǂgona-i tita ǃnâ hâ-i, ǂûtani tama-i hoa-e nî khôaǁnâ tsîb ge ǂûtani ra-i hoa-e nî ǃgao, ǃanu tsî i nî ǃaruǀîǀgui ǂûtanise.

Nēs ge ti mîmāsa: ǀNamgu re, tita ge sago ǀnam hâ i khami.

Ti Îb di ǂkhaisib ge sago di ǀoasa ǂûtanis xa ra ǁgauǂuihe tsî ǁnā ǀgaus ai go ge sago ra ti ǁkhāǁkhāsabe* kai.

“Tita ge ama-ai ǂauxûiǂûhaita tsî ti Îb ge ǃhanaǂgā-aoba.

Tita ǃnâ hâ tama-i ge ǂgona-i khami aoxūhe tsî nî ǂnâ. ǁNāti ī ǂgonan ge ǀhaoǀhaohe tsî ǀaes ǃnâ nî ǂhubiǂuihe.

“Tita ge nēna sago ge mîba, ti ǃgâiaǂgaob sago ǃnâ nî hâhâse tsîb sago ǃgâiaǂgaoba nî ǀoase.

Ti mîmāde go ga ǁnâuǀnam, o go ge ti ǀnammi ǃnâ nî hâhâ, tita ti Îb di mîmāde ǁnâuǀnam tsî ǁîb di ǀnammi ǃnâ ra hâhâ khami.

Nēs ge ti mîmāsa: ǀNamgu du re.

Tsî go ga ǃhūbaib di, ob ge ǃhūbaiba ǁîb khoena a ǀnam. Xawe go ge sago ǃhūbaib di tama tsî tita xa go ge ǃkhōǂuibasenhe amaga go ge ǃhūbaib xa ǁkhanhe hâ.