Popular Bible Verses from Takwiin 9

શેર કરો

Wa l-Rabb gaal : «Di hi al-alaama hana l-muʼaahada al-nukhuttaha beeni wa beenku wa been kulla l-makhluugiin al-maʼaaku. Wa l-muʼaahada di tabga daayme min zurriiye le zurriiye. Ana nukhutt nubbaali wa hu hajjaaz al-matar fi l-sahaab wa da yabga alaama hana l-muʼaahada beeni wa been al-ard.

Wakit hajjaaz al-matar yibiin fi l-sahaab, ana nichiifah wa nifakkir fi l-muʼaahada al-daayme al-gaaʼide beeni ana al-Rabb wa been kulla l-naas wa kulla makhluug hayy fi l-ard.»

Wa l-naadum al-daffag damm hana naadum, hu kula, naadum aakhar yidaffig dammah. Achaan Allah khalag al-insaan fi suurtah.

Wa l-Rabb baarak Nooh wa awlaadah wa gaal leehum : «Aldo wa abgo katiiriin wa amlo al-ard.

Misil awwal anteetku al-khadaar le l-akil, hassaʼ nantiiku kulla l-makhluugiin al-hayyiin.

Wa kulla l-makhluugiin al-hayyiin fi l-ard yakhaafo minku wa l-ruʼub yakrubhum, misil tuyuur al-sama wa zawaahif al-ard wa huut al-bahar, kulluhum ke nantiihum leeku fi iideeku.

Wa kan leeku intu, aldo wa abgo katiiriin wa ziidu fi l-ard.»