Popular Bible Verses from Lc 12

શેર કરો

Yuj tu', cayexokab tu'. Makwajanek, talaj yet man naanok el e yuj chin jay ayin Chekbilintek yuj Dios xol eb jet animail ti', ẍi Jesús bay eb is cuywom tu'.

Yuj tu xin, ak'ek e yip e watx'nen oc e ba yul k'ab Dios. Ta che yut caktu', ok ak'lay masanil juntzan ti' ayex.

Max lajwi tu', axa yalon bay eb anima tu' axca ti': —Chi cam e yiloni, cax che taynenc'al e ba, yet watx' c'am junok tzet yetal comonc'al che yochej ocok. Man yujok tol xiwil tzet ay ayon, xan tzalojc'ulal jet bay yulyibank'inal ti', ẍi Jesús.

Yujtol, a bay chi co wajbaj co beyomal, a tu' chi ja c'apaxtok co nabal.

¿Ma ay junok ex chi je' e yaon oc nanokxa vara tz'akil e tel yujc'al chex oc il?

Max lajwi tu', max yalon Jesús bay eb is cuywom axca ti': Chi wal ayex xin, manchak ex oc il yuj tzet chi yun yec' tiempo e yuj cayti', yuj tzet che lo'. Manchak ex oc c'apax il yuj e pichil.

Ayex ti' caw wal miman e yelapnok yintak no'. Toltax e xil, bisbil masanil yuj Cham. Yuj tu', manchak ex xiwi.

Ayex ti' axca tol in calnel ex. Manchak ex xiwi. Jaywannej ex toni, palta a co Mam Dios chex ion oc yul is k'ab, yujtol axca tu' max yun yel yin c'ul.

Ilab no joj tinani', c'am yawoj no', c'am jabok tzet chi jatx'aj no', cax chi wajban no'. C'am is c'una no', c'am bay watx' chi c'ubaj no' jabok tzet yetal; palta a Dios chi ak'on masanil tzet chi lo no'. Ayex ti', caw miman e yelapnok yintak no' yul sat Cham.

Manchak ec' yiban e naon xin. Manchak ex oc il yuj tzet che lo', c'al yuj tzet che yuq'uej.

A an xumac tu', watx' yili an tinani', palta yecal, chi tz'a an yul horno. Caxc'al cac'al tu' chi yun lajwinaj el an, palta a Dios chi ak'on watx'il yili an tu'. Akxam ayex ti', ok yak'c'alta' e pichil. Palta ijan tol txennejc'al pax e yaon oc e c'ul yin Cham.

Yujtol masanil jantak tzet makan ay tinani', ok txecloj ajok. Yetok jantak tzet ewanc'uan yayji, ok ak'lay ojtaknelay elok.