Popular Bible Verses from Jn 4

શેર કરો

Ri Dios kan espíritu wi. Roma ri' ri winaqi' ri yeya'on ruq'ij, kan nik'atzin chi k'o ri Loq'olej Espíritu kik'in richin nikiya' ri qitzij ruq'ij, xcha'.

Ri jun q'ij ri xinbij chawe chi kan nipe-wi, xoqaqa yan, richin chi konojel winaqi' ri nikajo' nikiya' ri qitzij ruq'ij ri qatata' Dios, ja ri Loq'olej Espíritu ri xtuk'uan kichin. Y ri Dios kan ja ri winaqi' ri yebanon keri' ri yerajo'.

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

K'ari' ri Jesús xubij chike: Ri nuway yin ja ri ninben ri rurayibel ri taqayon-pe wichin y nink'is kan rubanik ronojel ri rusamaj ri ruchilaben-pe chuwe.

Jari' toq ri ixoq xubij chire: Re pozo nej qajineq-wi-qa, y rat man jun k'o awik'in richin nak'en-qa ya'. ¿Akuchi k'a nak'en-wi ri ya' ri niya'on k'aslen ri nasuj?

Y ri ixoq xubij chire ri Jesús: Yin wetaman k'a chi k'o na jun q'ij toq xtoqaqa chuwech re ruwach'ulew ri rey ri k'o chi nipe, ri nibix chuqa' Cristo chire. Y toq xtoqaqa rija', ronojel k'a xtuq'alajirisaj chiqawech, xcha'. Ri Jesús xubij k'a chire: Ja yin ri'. Ja yin ri yitzijon awik'in, xcha'.

chi k'o jun achin xtzijon rik'in y xubij chire ronojel ri e rubanalon, y xubij k'a: ¿Man ja ta kami re' ri Cristo? Jo', y titz'eta', xcha' chike.