Popular Bible Verses from GENESIS 3

શેર કરો

Opo nee omwalikadi okwa tala, omuti ou omuwa nokulya notau hafifa omesho, heeno, omuti kau yehama shili okupa omunhu eendunge. Ndele ye okwa kufa oiimati yao ndele ta li ndele ta pe yo omulumenhu waye, ndele ye okwa lya.

Ndele eyoka la li la lungama li dule oifitukuti aishe yomoixwa ei Omwene Kalunga a ninga. Ndele lo ola pula omwalikadi: “Kalunga okwa ti shili: ‘Inamu lya komiti adishe domoshikunino?’ ”

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

Ye okwa lombwela omwalikadi ta ti: “Ame ohandi ke ku hapupalifila oudjuu moufimba woye. Ove to ka dala ounona voye nokuyehama. Ndele oto kala nokuhala omulumenhu woye, ndele ye ote ke ku pangela.”

Omungome woye oto u li noshinhwi moshipala shoye, fiyo oto shuna medu, osheshi omo wa kufwa. Osheshi oove edu, ndele oto ka ninga edu.”

Ndele Ye okwa lombwela omulumenhu ta ti: “Ove eshi wa pwilikina ondaka yomwalikadi woye, ndele wa lya komuti nde ku lombwela uha lye ko, edu otali fingwa molwoye, ndele oto ke lipalula noudjuu omafiku oye aeshe.

Ndele Ye okwa tya: “Olyelye e ku lombwela kutya ou li hamunghele? Ove owa lya komuti ou, nde ku kelela okulya?”

Osho hano Ye a taataa omunhu ndele ta tula ovakerubi koushilo woshikunino shaEden, ve na omaongamukonda a xwama omundilo taa taima vo va kelele omhito yokuya komuti womwenyo.

Ndele omulumenhu okwa luka omwalikadi waye Eva, osheshi ye okwa ninga ina yaaveshe ava ve na omwenyo.