Popular Bible Verses from Jan 11

શેર કરો

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia. Bamna baha nani kau raya ba piua ra yang ra kasak luki ba, prubia apia ban kaia ra. ¿Naha man kasak lukisma ki?

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?

Baku kan ba ra Jisas mahka inan.

Jisas naha wali, naku aisin: —Naha sikniska Lasarus ra alkan na lika pruaia dukia apia sa, sakuna Gâd prana ba marikaia bara yaka baha sikniska bâk, Gâd Luhpia prana ba marikaia dukiara sa.

Naha aisin ba ningkara, ai bîla baikra tara ni winan: —¡Lasarus, baha wina bal taks! Bamna pruan kata ba bal takan, bara ai mihta bara mina nani sut kwala ni blakan kata, bara ai mawan sin kwala ni wilkan kata. Bamna Jisas mita win: —Man nani bui witin ba lanhks, bara swis mahka wabia.

Jisas kli ai kupia wirha diman ba kira, raiti lamara balan. Baha raiti ba lika walpa unta kum kan, bahara Lasarus pruan ba, dingki dimaika ba prakan kan walpa kum ni.

Baha ningkara, Jisas sin naku win: —Wan uplika Lasarus ba mahka yapan sa, sakuna yang wih witin ba tatukbi bukamna.