Popular Bible Verses from Luke 3

શેર કરો

သမ်းအမ်ပခါဗင်ခမ့်ကားထောင်နွို ယောဟန်နောင်း သာလို့ဗင်ဖုံဖုံနွို့နု့ အာယော့အွူမင်္ဂလာနွို့ ကိုယ်တော်ယေရှုနောင်းလဲဉ်း ခံအွေတွိုအွူမင်္ဂလာထာ တန်းဘာ့ဆုတောင်းနွို့ တအောင်နောင်း ပွင့်လေးတွို့ထာ ဉာဏ်အလင်းတော်နောင်း ကရက်စံချိုးန ကွေကိုယ်တော်နွို့ ဆန်းပိုနွို့ကိုးနဲ့။ မို့နောင်း “အို့ဘာ့ခှိက်တော်မူမဲ့ ကွန်ဖြားအို့ကိုးနဲ့။ အို့နား မို့နွို့ ခှိက်လွန်းလန်းအားဗင်ဟောက်” နွို့ကွေတအောင်နွို့ကရက်လေးပိုစနွို့နဲ့။

စနွို့နား ယောဟန်နွို့ အို့နား လို့နွို့နု့ အွူန “အိုနွို့အိုပယို့အာလို့ အာအွူမင်္ဂလာနွို့ လဲဉ်းမှန်ပနာ့။ စနွိုလဲဉ်း လို့တန်ခိုးပကုမ်းထပ်အိုနွို အမ်လောက်ပို့တွို့။ အိုနွိုလို့ဖြေအာကညေ့စိနပ်အမ်မားတန်ကား။ အို့နွို့ ဉာဏ်အလင်းတော်အမ်လဲဉ်းနဖုန် ညွမ်းနလဲဖုန် အမ်အမ်းပို့အားပို့အာအွူမင်္ဂလာ။

နွို့ခေါင်း ယောဟန်နား တာ့အမ်နွို့ အာအွူမင်္ဂလာbမောင်းခံအွေ လို့ဘာ့လောက်ပိုဘို့ဘက်နွို့နား “နီးနားလို့ဘာ့လံစွေဘေ့cနွို့၊ ဘာ့မောင်ကလွို့ပိုမဲ့ ဖြားနွက်ဘာဆိုးနွို့နား မောင်းပလက်နွို့ ကွားအာ့ဘို့သတိနွို့နား။

ချန်အခွပ်နွို့နား ဖြားနောင်း လို့ဘာ့ဗင်ကောနောင်တနွို့နား မောင်းအာမပြစ်နွို့ကိုးနဲ့။ ခွို့နွို့နား ဇာ့တောင်ရီ ဆုပ်ထေ့နု့ လို့ဘာ့မောင်းမောက် ကနေအရန်န ကမွို့ဟောက်နွို့နဲ့။ ဆောင်ကွေကွေ ဘာ့ကလို့ကောပ္လေ့ဘာ့ပ္လေ့ ကော ဆုပ်ထေ့နွို့န တကမွို့ဟောက်နွို့နု့ ဖြားနောင်း လို့နွို့နား မောင်းအာတွို့အပြစ်ထာ လို့နွို့နောင်းလဲဉ်း မောက်ရေ့ယော့ ဘာ့မင်တုတ်မဲ့ညွမ် ဆုပ်ထေ့နို့န ကမွိုးလောက်ဟောက်နွို့နဲ့။”

ပရောဖက်ဟေရှာယကျမ်းနွို့ ဘာ့တဲင်းဘို့နွို့အတွိုန်း“ကောင်ဗွေကန္တာရနွို့ အာ့်ကွက်ကွက်လှည့်လေတွို့ထာ ရက်ဖြိုလေမနနားကညွမ်းကိုယ်တော်ဘာ့ကြွပိုနွို့နား အ့်တန်းစေး။ တောကောင်ဗွေဘာ့ဗုံ့မဲ့နွို့နား ဖော့တွို့ကသေ့ထာတောဖွီး၊ တောဗွေဘို့ဘက်နွို့ အ့်ညီညာစေး။ကညွမ်းဘာ့ကောက်နွို့ အ့်တန်းတွို့ထာကညွမ်းဘာ့ခှမ်းနွို့ အညံညောစေး။ နွို့ခေါင်း ဖြားမောင်းကယ်တင်နွို့နား လို့မေ့မေ့နွို့ ဗင်ထွိလောက်ဟောက်”နွို့ကိုးနဲ့။