Popular Bible Verses from مَتَّى 5

શેર કરો

ولّا يَوَلِّعو لَمبَه و يَخُتّا تِحِت القُفَّه، لَكِن بِخُتّوها فوق طَرَبيزَة اللَّمبَه، و هي تَنَوِّر لِكُلّو واحِد في البيت. خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

إنتو نور الدُّنيا. ما مُمكِن يَدِسّو مَدينَه مَوجودَه فوق جَبَل،

مُبارَكين النُّضاف القَلب، عَشانُم بِشوفو الله.

مُبارَكين الجَّعانين و العَطشانين لِلبِر عَشانُم بِكونو شَبعانين.

و لَكِن أنا أقول ليكُم، حِبّو عُدوانكُم و صَلّو عَشان اليَطرُدوكُم،

”مُبارَكين المَساكين بِالرّوح، عَشان ليهُم مَلَكوت السَّما.

مُبارَكين اليَعمِلو السَّلام، عَشان بِسَمّوهُم أولاد الله.

مُبارَكين الحَزنانين، عَشانُم بِكونو مَبسوطين.

مُبارَكين المَطرودين عَلَشان البِر، عَشان ليهُم مَلَكوت السَّما.

مُبارَكين اليَرحَمو التّانيين، عَشان هُم يَلقو الرَّحمَه.

مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب. أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

مُبارَكين الوُدَعاء عَشان هُم بِيورَثو الدُّنيا.

إنتو مِلِح الدُّنيا. و لَكِن إذا المِلِح بِقى مَسيخ، كيف بِكون مالِح تاني؟ ما في فايدَه مِنّو لِأي شي إلّا يَرموهو بَرَّه و النّاس يَدوسوهو.

عَلَشان كِدا، كونو كامِلين زي ما أبوكُم الفي السَّما هو كامِل.

خَلّي كَلامكُم بِكون أيوَه ولّا لا بَس. و الأكتَر مِن داك، هو مِن الشَّرّير.

سِمِعتو هُم قالو: عين بِعين و سِن بِسِن. و لَكِن أنا أقول ليكُم، ما تَشاكِلو زول بَطّال. و لَكِن إذا أي واحِد يَضرُبَك في وَشَّك اليَمين، أقلِب ليهو التّاني كَمان.

كان عينَك اليَمين تَكون سَبَب خَطيَّه ليك، طَلِّعا و أرميها مِنَّك، عَشان أحسَن ليك أن واحِد عُضو مِن جِسمَك يِتوَدَّر، و هُم ما يَرمو جِسمَك كُلّو في جَهَنَّم. و إذا إيدَك اليَمين تَكون سَبَب خَطيَّه ليك، أقطَعا و أرميها مِنَّك، عَشان أحسَن ليك أن واحِد عُضو مِن جِسمَك يِتوَدَّر، و جِسمَك كُلّو ما بِكون في جَهَنَّم.