Popular Bible Verses from ARING KELESING 17

શેર કરો

Tegu urip Abram pitan-pulu-pitan duman, Tuhan petula batung Na' men Abram dahin petengaran dahin na', “Akui nah Allah aleng Hipun Tingan, murip nah té' unan Kui dahin em na ket nun-nun aleng ji'ek.

Avin ha' nutih, nusi' nah Akui na aran ka' Abram la'an, bi Akui na aran ka' Abraham, avin hu'uh nah Akui na ika' taman kuri-kuri kahum bangsa'.

“Akui seng na ji jaji Kui dahim dahin pahu-pahu ka' ateng baya, iha' tih jaji aleng pa'en, ja Akui jadi' Allah ka' dahin Allah men pahu-pahu ka' lahuh.

“Lan Akui na jaji dahim. Ika' seng jadi' taman kuri-kuri na'an pahu kelunan.

Ken Tuhan Allah, “Lan, Sara hawam atih seng nganak ji anak aké', sayu kua' na aran na' Ishak. Akui seng petageng jaji Kui dahin na', iha' tih ji jaji Kui aleng pa'en-pa'en men pahu na'.

Akui seng ma'uk tana anih me ika' dahin men lim-lim anak-anak ka' dahin lim-lim sau ka', iha' nah tana aleng ngavam melo' awi kelunan nyakei kerei inih. Lim tana Kanaan anih seng Ek uk men ika' jadi' ngavan kam pa'en. Akui pah seng jadi' Allah kam lahuh.”

Nukem nah Abraham kesing dain kuma' alem kenep na', “Seng nuno' ji laké' aya' aleng uh ji atuh duman seng hipun anak? Nurei pah Sara aleng uh pitan-pulu duman seng deng ha' nei nganak la'an iah?”

Ken Tuhan Allah men Abraham, “Marung Sarai hawam nan, meng nah im na iha' Sarai la'an, sayu nah im na aran na' Sara.

Tekep kam ngeret anit ketanun kam, iha' nah aleng itung telana' jaji Kui dahin kam.

Bi akui seng pela'ung jaji Kui men Ishak. Iha' anan seng en Sara nganak men ika', tegu jaka' aleng awi anih kah, duman aréh.”

Ketu anak aké' aleng men pahu-pahu kam aleng uh saya' dau urip daha', tekep en sunat lim, sayu pah daha' aleng kanak té' alem uma ka', nurei pah anak aleng en melé' té' ligit aleng en ala té' kelunan ha' béh, bi nusi' kah daha' itung pahu ka'. Kelunan aleng kanak té' alem uma ka' dahin kelunan aleng im melé' té' ligit pah, tekep en sunat lahuh, ja ha' tada' jaji Kui té' batung kam atih, ngavan pehituk ikam pa'en-pa'en.