Popular Bible Verses from लूका 5

શેર કરો

जब येशू भिडके आदमीनसे मसकडारी, तओ बा सिमोनसे कही, “नैयाँ गहिरो घेन लैजाएके मछ्री पकणनके ताहीं अपन जार डार।”

पर सिमोन येशूसे कही, “हे महान गुरु, हम सारी रात मेहेनत करके फिर कुछु नाए पकणपाए। तहुँफिर, तुम अइसे कहात हओ तओ मए जार डारंगो।” तओ जब पत्रुस और बोके सँगी जार डारीं, तओ बे बहुत मछ्री फसाइं। और उनकी जार फटन लागी।

पर येशू जंगली इलाकामे जाएके परमेश्वरसे प्राथना करत रहए।

मए धर्मीनके ताहीं नाए पर पापीनके, पाप करन छोडके परमेश्वर घेन घुमानके ताहीं बुलान आओ हओं।”

तओ जा देखके येशूके पाउँ पणके सिमोन पत्रुस कही, “हे प्रभु, मिर ठिनसे चलेजाओ, काहेकी मए पापी आदमी हओं।”

पर येशू बिनसे कही, “स्वस्थ आदमीके बैदाको जरुरत नाए पणतहए, पर रोगीनके इकल्लो बैदाको जरुरत पणतहए।

तओ बे अपन नैयाँ डीणोमे लाइं, और तुरन्त बे अपनो मछ्री मारन बारो काम छोडके येशूके चेला बननके ताहीं येशूके पिच्छु गए।

जब येशू कोइ एक सहरमे रहए, तओ एक कोढ रोग लागो भओ आदमी येशूके ठिन आएके घुँटो टेकके अइसे बिन्ती करी, “हे प्रभु, तुमर इच्छा हए, कहेसे मोके अच्छो करसकत हओ।” येशू अपन हात उठाएके, “मए इच्छा करत हओं, तए अच्छो हुइजा” कहिके बा छुइ, और तुरन्त बोको कोढ रोगसे बो अच्छो हुइगओ।

पर येशूको चर्चा औ जद्धा फैलगओ, और बहुत भरी भिड येशूको बात सुननके ताहीं, और अपन-अपन बिमारसे अच्छो होनके इकट्ठा भए।