Popular Bible Verses from लूका 3

શેર કરો

जब सब आदमी बप्तिस्मा लइं, तओ येशू फिर बप्तिस्मा लैके परमेश्वरसे प्राथना करत रहए, तओ येशू स्वर्ग उघरो देखी। और पबित्र आत्मा कबुतरके रुपमे अपन उपर उतरत देखी। तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

तओ बप्तिस्मा देन बारो यूहन्ना जबाफ दइ, “जौन मिर पिच्छु आबैगो, बो येशू मोसे बहुत शक्तिशाली हए, और कमैया बनके और फिर लोहोकके बाको जुताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर येशू तुमके पबित्र आत्मासे आगीको बप्तिस्मा देबैगो।

जहेमारे पाप छोडके परमेश्वर घेन घुमओ, दण्डसे बचनके ताहीं अइसो काम करओ, कि तुम नेहत्तओ पाप छोडके परमेश्वर घेन घुमे हओ; और अपने-अपने मनमे मत् सोँचओ, कि परमेश्वर हमके दण्ड नाए देहए, काहेकी अब्राहाम हमर दौवा हए; पर मए तुमसे कहात हओं, परमेश्वर तुमर ठिहा लेनके ताहीं अब्राहामके ताहीं पत्थरसे सन्तान उत्पन्न करसकत हए।

और परमेश्वर सब मेलको दण्ड देनके ताहीं तयार हए, जौन पाप छोडके परमेश्वर घेन नाए घुमत हएं, ठिक बहे कता जैसी कुढाहरी बारो कोइ आदमी, बे रुखाके जरसे काटनके तयार हए, जौन अच्छो फरा नाए फारत हएं। हरेक आदमी जौन बे रुखा हानी हएं, और अच्छे फरा नाए फारत हएं, बे परमेश्वरसे दोषी ठहिरंगे, और आगीमे फेँके जामंगे।”

यशैया अगमबक्ताको किताबमे अइसो लिखो रहए, “जंगली इलाकामे एक आदमी अइसो चिल्लाएके कहात रहए, परमप्रभुके डगर तयार करओ, और बाको डगर सुध बनाओ, हर एक खल्ला पटैगो, और सब पहाड और सब डँगा बरोबर होमंगे। और टेणेबेणे सुध होमंगे, और अग्ठो डगर सजिलो होबैगो। और सब आदमी बो देखंगे, जौनके परमेश्वर बिनके उद्धार करनके ताहीं पठाइ हए।”