Popular Bible Verses from Luka 8

શેર કરો

No hüvähä maha langenuded semned oma ned, kudambad kuleba sanan i kaičeba sidä hüväs i puhthas südäimes, kaiken tirpaba i toba čomad satust.» Necen sanudes Iisus kirgui: «Kenel oma korvad kulda, ka se kulgaha!»

Ogahheiniden keskhe langenuded semned oma ned, kudambad kuleba sanan, no hö upehtuba elon holihe, bohatushe i ihastusiden navedindaha. Hö ei togoi hüväd villäd.

Kivimaha langenuded semned oma ned, kudambad kuldes otaba sanan ihastusiš, no uskoba vaiše penen aigan. Heil ei ole jurid, i konz heid kodviškatas, hö käraudasoiš neciš sanaspäi.

«Kus teiden uskond om?» küzui Iisus. Openikad pöl՚gästuiba, čududelihe i sanuiba kesknezoi: «Kenak nece mez՚ om? Hän käskeb tulleile i vedele, i ned kundleba händast.»

Teverhe langenuded semned oma mehed, kudambad kuleba sanan, no lemboi tuleb i otab sanan heiden südäimespäi, miše hö ei uskoiži i ei päzuiži igähižehe eloho.

Ei ole nimidä peitolišt, mi ei tuliži sil՚mnägubale, ei ole nimidä süväs peittud, mi ei pal՚l՚astuiži i tuliži kaikile tetabaks.

Konz naine homaiči, miše ei voi olda peitos, hän tuli säreganden edehe i tacihe Iisusan jaugoihe. Hän sanui rahvahan aigan, mikš oli kosketanu Iisusad i kut sid՚-žo oli tehnus tervheks. Iisus sanui hänele: «Ala varaida, tütrudem, sinun uskond tegi sindai tervheks. Mäne tünäs.»

Siloi openikad heraštoitiba Iisusan i sanuiba: «Opendai, opendai, mö uptam!» Iisus nouzi, kel՚di tulleid i lainhid. Ned hilleniba, i tegihe tün՚.