Popular Bible Verses from التكوين 17

શેર કરો

وإلين عاد أبرام عندو 99 سنة اتجلالّو الله تعالى وڮالّو: آنا هو مولانا القادر، امشي ڮدامي بطريڮ امسڮمة.

ومن ظرك ما اتلا ينڮالك أبرام اللي معاناه البو لمعظم ، يغير لاهي ينڮالك النبي إبراهيم اللي معناها بو ياسر من لأُمم. بيلي لاهي انعدلك منك ياسر من الشعوب.

ويعود عهدي إلى الأبد امبيني وبينك وبين نسلك عاڮبك جيل اورا جيل. وانعودلك إله ولنسلك من بعدك

اراعيني لاهي انعدل عهدي امعاك ولاهي اتعود بو ياسر من لأُمم.

وڮالّو مولانا: اللي لاهي تبرا هي سارة اعيالك، ولاهي يخلڮلك منها اطفيل، واتسميه إسحاق. لاهي انعدل عهدي إلى الأبد امعاه وامع ذريتو من بعدو.

ونعطيك انتا ولذريتك من بعدك ارض كنعان كاملة، اللي اسكنتها متغرب، لكم الدهر كاملو وانعود إلههم.

واسجد النبي إبراهيم واظحك وڮال امبينو امع راصو: اثرو يصح يخلڮ اطفيل لراجل بو 100 سنة ؟ واثرو يصح تبرا سارة وهي أم 90 سنة ؟

وڮال مولانا للنبي إبراهيم: وساراي اعيالك لا تيت اتڮولها ساراي من ظرك، يغير لاهي يعود اسمها سارة اللي معناها لأميرة.

اتزينو كل اذكوركم كاملين واتعود علامة لعهد اللي امبيني وامبينكم.

يغير عهدي لاهي يعود امع إسحاق اللي لاهي يجي من سارة كيف هاذا الوقت من السنة الجاية.

اتمو زينو اذكوركم كاملين من بو 8 أيام اسوا من ذريتك وللا من ذرية حد مشري من فظتك ماهو من نسلك. يالة يُزيّن كل اطفيل اخلاڮة فدارك وللا مشري بالفظة، واتعود علامة عهدي إلى الأبد فلحمكم .