Popular Bible Verses from मर्‌कुस 8

શેર કરો

यदि निङइ लयको रुवाङ दल्‍ताक्‍सा बोःङ्‍तेनानि त खेया, निङइ ओउ रुवाङ मिह्‍ताक्‍तेनानि। तर यदि निङइ लयको रुवाङ ङाको लागि र परमेस्‍वरको पेओ खबरको लागि बइतेनानि त खेया, निङइ ओउ रुवाङ दल्‍ताक्‍तेनानि।

धइतिदाह्‍य्‌सा यदि निङइ सङ्‍सारको जुदा थोकले दोःतिमा लयको रुवाङखे मिह्‍ताक्‍तेनानि त खेया, निङकाय दोह फाइदा स्‍याउना र? पक्‍कामा स्‍याउलेल!

अनि येसुइ मान्‍तालमको हुल र लयको चेलालमकाय लयकताङ गोताक्‍तिको तोसास्‍यावा, “यदि निङ सुखेयामा ङाको चेला स्‍याउसा चाहतेनय त खेया, निङइ लयको मनको मात्र इच्‍छ्‍यालमकाय फेनु, र लयको क्रुस लात्‍ति ङाको लोन्‍हे गुह्‍ल्‌ति वाङ्‍न।

ओउतझ्‍यान्‍ते लयको रुवाङ द्‍याःन्‌ति दोःसाको लागि निङइ दोहमा बइसा खाइलेतेनिलि। यदि निङ पापिलम र परमेस्‍वरकाय बिस्‍वास जाह्‍ङ्‍मालो मान्‍तालमको इ समयहाङ, ङा र ङाको स्‍यानरायकुस रास्‍तेनय त खेया, ङा मान्‍ताको चोःमा परमेस्‍वर आपाको महिमाहाङ पबित्र लाङकादुतलमकुस द्‍याह्‍न्‌ति वाङ्‍तोकहाङ निङकाय लयको त तोसा रास्‍‍लेनाङ।”

अनि येसुइ ओउमयकाय ह्‍वत्‍सास्‍यावा, “अनि निङखे ङा सुखे त म्‍हर्‌तेनय?” पत्रुस त्‍याङा, “नाङपाय परमेस्‍वरइ ल्‍होक्‍सास्‍यावो ख्रिस्‍त खेसास्‍याउतेना।”