Popular Bible Verses from Luk 17

શેર કરો

Saŋ akaŋɛ nɔnʉn ala, “Mʉwa ɛsɛla, nɛ wʉ́zaa. Awa-ɛsɛma wuwu âkʉs we.”

Ikil yɛ ayel ɛcɔcɔɔ nawe ɛkambɛlɛ ɛtaŋɛnɛfaalɛ kɛ ife, ɛnɛ akiil va ɛkambɛlɛ imemi ɛtaŋɛnɛfaalɛ, akaŋɛ ala, ‘Mɛ̂yel cɔ, máma-yel asɔ ga, gife mɛ,’ nɛ wʉ̃gife ɔn.”

Ikil yɛ ɔnʉl vo ɔmɔ atii ala ɔn âkʉna, akiil va kɛ nɛ Zisɔs, kɛ icivilena Ofilikpamɛ nɛ ɛmʉ iyɛboona. Ava-ŋgul kɛ ɛyaŋ fɛ isi kɛ Zisɔs, atɛfa ɔn. Kpa wʉ âlɛ kɛlɛ ɔnʉl wʉ Samalia.

Asɔ kɔl nini ayʉmʉ kɛ itu ɛnalɛ yɛ nɛyele. “Ikil yɛ wanɛŋgwan wuwu wʉ Ofilikpamɛ ayel ɔmanɛ wʉcɔcɔ, lʉwa nɔnʉn. Ikil yɛ asɛɛl ko, nɛ wʉ́gife ɔn.

Saŋ Zisɔs afii ala, “Vɛnʉl likwoŋ ɛnɛ ɔ̂kʉna ga? Vɛ ɔtaŋɛnonyin vedivi vɔɔ ye?

Akaŋɛ navo ala, “Masɛ awa-ɛsɛma wuwu alɛ kɛ cɔɔ mbis ndalɛ ɛsaŋgɛ, nɛ wʉ́kaŋɛ nɛ ɛtɛghɛ kɛboonaghɛ kiyee wʉla, ‘Nife, nɛ wʉ́za-lɔ ɔmɛnɛ owuwu kɛ ilife,’ nɛ káyel kɛ ndalɛsɛ wʉkaŋɛ.

Ɔmɔnɛmɔ wʉ akan ala ɔn awal ɛyɛma ɛna, nɛ áyile ɛnɛ. Kpa ɔmɔnɛmɔ wʉ ayile ɛyɛma ɛna, nɛ ákol ɛnɛ.

Zisɔs akaŋɛ nɛ vɛnʉl vɛ oyeghe nɔnʉn ala, “Vɛnalɛvɛ yɛ viyele nɛ vɛnʉl óyel ɛcɔcɔɔ, vɛkwa ɛvaana ga, kpa wáya ɛcian, owe wʉ wʉyel vɛnʉl vedivi óyel ɛcɔcɔɔ. Akɛ sɛva-sɛva nɛ ɔ̂kɔnd ɔnasɛghɛ kɛ ɔmɛnɛ owuwu, nɛ ɔ̂ta we kɛ ilife, nɛ wʉ wáyel nɛ ɔmɔnɛmɔ wʉ kɛ vamumuneŋ vee nɛ áyel ɛcɔcɔɔ.

“Kɛ ndalɛsɛ kalɛ-lɛ kɛ ɛyaŋgɛ kɛɛ Nʉwa, asɔ kpaa ɛnɛ kálɛ kɛ ɛyaŋgɛ kɛɛ Wanɛ wʉ Ɔnʉlʉ. Vɛnʉl ɔ̂lɛ kɛ ɛyaana ɔyɛ nɛ kɛ ɛŋwaana mɛsɔlʉmʉ. Ɔ̂lɛ kɛ ɛyɔsana nɛ kɛ ɛmʉwana ayɔsʉ, kaka za-bi ife yɛ Nʉwa alɛ-nyɔlʉ kɛ ɛkpand kɛboonaghɛ. Saŋ ɔvɛla ɔna kaka ɛzɔl ɛkʉwa ɔtalɛ, ɛyɛva vo omwem.